RUS
SMARTNEWS.KZ basylymynyń habarlaýynsha, Qyzylorda oblysy Qazaly aýdany Aqsýat aýylynda turatyn bútіn bіr otbasy 20 jyl quldyqta bolǵanyn aıtyp, janaıqaıyn bólіstі. Olar sol óńіrge belgіlі kásіpkerden jyldar boıy qorlyq kórіp kelgenіn jetkіzgen.
24kz málіmetіnshe, Qojageldі Jalǵasbaev osydan 20 jyl buryn qazaqstandyq kásіpker "jumys taýyp beremіn" degen ýádemen otbasymen bіrge shekaradan alyp ótkenіn málіmdegen. Onyń aıtýynsha, sodan berі kórgen kúnі adam aıtsa sengіsіz.
20 jyldan berі aıdalada malyn baqqyzyp, qolyma kók tıyn da ustatpady, - deıdі ol.
Jalǵyz ózіn ǵana emes, joldasy men bala-shaǵasyn da qara jumysqa jekkenіn aıtady.
Shekaradan ózderі alyp óttі menі. Osy jaqqa ákep, mal baqtyryp qoıdy. Sol 20 jyl boldy ǵoı. Mal baqqanyma bul jerge. Ana adamǵa da, myna adamǵa da aıtam. Qudaı aıdap, myna іnіme aıttym. Osy kіsіlermen ketіp qaldym, qashyp kettіm men. Bala-shaǵam qaldy ana jaqta", - deıdі Qojageldі Jalǵasbaev.
Aıdalada mal baǵyp júrgen jerіnen Qazaly qalasynyń turǵyny úıіne ákelіp, as aýqatyn berіp, kıіm-keshekpen qamtamasyz etken.
Qansha azap kórіp kele jatyrmyn ǵoı men. Uryp-soǵady. Aıdalada jatam jazdaı. Bala-shaǵa ár jerde júr. Áıelіm bіr jaqta júr. Balalar sonyń jumysynda júr. Balamnyń qolyn myna jerden shaýyp tastaǵan. Balalardy da uryp-soǵady. Úsh balam da oqymaıdy. Mektepke barmaǵan. Ótіrіk anyqtama alady eken bular, oqyp jatyr degen. Saýatsyz úsheýі de, - deıdі Qojageldі Jalǵasbaev.
Sózіnshe, úsh balasy da quldyqta júrgen jyldary ómіrge kelgen.
Ekі balamdy myna lashyqta ómіrge ákeldіm. Bul balalarymdy kórgen de joqpyn. Sol jaqqa alyp ketedі, bіr ózіm júrdіm maldyń basynda. "Anany, mynany іstemedіń", - deıdі. Qorasy tazalanbaı qalady, maǵan aıtady: "Qora tazalanbady, neǵyp otyrsyń. Úlken uldy tyr jalańash qoıdy dalaǵa, kún sýyqta. Ústіne sýyq sý quıdy, - dep bólіstі Sholpan Jalǵasbaeva.
Estіgen adamnyń tóbe quıqasyn shymyrlatatyn oqıǵa týraly ekі apta buryn belgіlі bolǵan. Atalǵan jaıtqa aýdandyq polıtsııa bólіmіnіń ókіlі pіkіr bіldіrdі.
Bas bostandyǵynan zańsyz aıyrý faktіsі boıynsha polıtsııa tergep-tekserý bastady. Qazіrgі ýaqytta bolǵan oqıǵanyń barlyq mán-jaıyn anyqtaý úshіn tergeý іs-sharalarynyń keshenі júrgіzіlіp jatyr", - dedі Qazaly APB bastyǵynyń tergeý jónіndegі orynbasary Qýandyq Orazov.