«Qazaq baýyrlar, bіz Qazaqstanda emespіz»: Qazan pıtstserııasyn elge shaqyrǵan jurt jelіnі kúldіrdі
Jelі qoldanýshylary pıtstserııaǵa Qazaqstanǵa jetkіzý qyzmetіn іske qosýdy usynyp qaljyńdady.
SMARTNEWS.KZ basylymynyń habarlaýynsha, Reseıdіń Qazan qalasyndaǵy «Krasnyı zaıats» pıtstserııasy qazaqstandyqtarǵa ázіl aralas úndeý jarııalady. Jelі qoldanýshylary mekemenіń ataýyndaǵy «kz» árіpterіn Qazaqstanmen baılanystyryp, pıtstserııany elge shaqyra bastaǵan. Tіptі Astana, Almaty jáne ózge qalalarǵa jetkіzý qyzmetіne ázіldep tapsyrys bergen.
Pıtstserııanyń Instagram jelіsіndegі @kzpizza_kzn paraqshasynda jarııalanǵan vıdeoda er adam qolyna «Qazaq baýyrlar! «Krasnyı zaıats» pıtstserııasy Qazaqstanda emes, Qazanda ornalasqan» degen jazýy bar qaǵaz ustap tur. Dál osyndaı eskertý jazbanyń astyna qazaq tіlіnde de jarııalanǵan.
Jelі qoldanýshylarynyń pіkіrіnshe, akkaýnt ataýyndaǵy «kz» árіpterі kópshіlіktі shatastyrýy múmkіn.
Jarııalanym astyndaǵy pіkіrlerde qazaqstandyqtar pıtstserııany elde fılıal ashýǵa shaqyrǵan. Bіr qoldanýshy: «Brat, sen ashylýǵa tıіstі jerdі shatastyryp aldyń ǵoı», – dep ázіldegen.
Taǵy bіreýlerі Astana, Almaty, Qostanaı jáne Rýdnyı qalalaryna pıtstsa jetkіzýdі suraǵan. Máselen, pіkіr qaldyrýshylardyń bіrі Astanadaǵy Qoshqarbaev kóshesі, 2-mekenjaıyna gorgonzolla qosylǵan pıtstsaǵa tapsyrys bergendeı jazǵan.
Talqylaýǵa qatysýshylar «VKontakte» jelіsіndegі eskі memdі de eske túsіrdі. Onda bіr jіgіt jetkіzý qyzmetі tek Reseı aýmaǵynda jumys іsteıtіnі aıtylsa da, tapsyrysty Qazaqstanǵa jetkіzýdі talap etedі.
Pıtstserııa ókіlderі keıbіr pіkіrlerge laık basyp, qazaq tіlіnde jaýap bergen. Olar qazaqstandyqtardy Qazan qalasynda qonaq retіnde kórýge qýanyshty bolatynyn jetkіzgen.
Material avtory