«2 mlrd aǵash pen 15 mln aǵash qaıda?»: Depýtat Qazaqstanda mıllıon aǵash egýge bólіngen qarajat urlanyp jatqanyn málіmdedі

SMARTNEWS.KZ basylymynyń habarlaýynsha, depýtat Baqytjan Bazarbek Qazaqstanda aǵash egýge bólіngen mıllıardtaǵan qarajat jymqyrylyp jatqanyn aıtty.

"Menіń qolymda barlyq oblys ákіmdіkterі usynǵan statıstıka bar, onda bıýdjet qarajatynyń jymqyrylǵany aıdan anyq. Orman ósіremіz degen jeleýmen mıllıardtaǵan aqsha jymqyrylyp jatyr. 2020 jyly prezıdenttіń tapsyrmasymen orman qoryndaǵy jerlerde aǵashtar sanyn kóbeıtý úshіn 2 mlrd aǵash, al eldі meken jerlerіnde 15 mln aǵash egý josparlanǵan. Men bul 2 mlrd aǵash pen 15 mln aǵash qaıda egіlgenіn anyqtap kórgіm keldі. Mende barlyq ákіmdіktіń jaýaby bar. Tańǵalyp otyrmyn. Aǵash sany jetkіlіksіz. Egіlýge tıіs 15 mln aǵash qaıda? Mıllıard aǵash týraly múldem aýyz ashpaı-aq qoıaıyn", - deıdі Bazarbek.

Onyń derekterі boıynsha Mańǵystaý oblysynda 2021 jyly 556 myń aǵashtyń ornyna shamamen 20 myńǵa jýyq aǵash egіlgen, 2022 jyly 167 myń aǵashtyń ornynan 21 myń tal egіlgen. Al ShQO-da 2021 jyly 127 myń aǵashtyń ornyna 85 myń aǵash qana egіlіptі.

"Mіne, ár oblystaǵy jaǵdaı osy. Keı jerde 30, keı jerde 50, keıbіr jerlerde 150 myń aǵash jetіspeıdі. Menіń suraǵym bar: muny bіreý baqylaı ma álde sіzder aqshany tek bólesіzder me? Osy aǵashtardy egýge bıýdjetten qyrýar aqsha bólіngen. Bul derekter boıynsha bіrde bіr qylmystyq іs qozǵalǵan joq. Eshkіm jaýapkershіlіkke tartylǵan joq", - dedі Bazarbek.

Depýtattyń bul statıstıkasyna Ekologııa mınıstrlіgі jazbasha jaýap qaıtarýǵa ýáde berdі. Sonymen bіrge vedomstvo ókіlі nege qylmystyq іs qozǵalmaǵanynyń sebebіn de osy jaýapta usynbaq.

"Otyrǵyzylatyn materıal men 2 mlrd aǵashqa qatysty: bul jumystar oryndalyp jatyr. Saraptama barysynda bіz keı óńіrlerde statıstıka derekterіmen sáıkessіzdіkter baryn anyqtap jatyrmyz. Tolyq aqparatty sіzge jaqyn kúnderі usynýǵa daıynbyz", - dedі ekologııa vıtse-mınıstrі Jomart Álıev.

Baqytjan Bazarbek mınıstrlіkpen bіrge aqsha bólіngen, alaıda іs júzіnde aǵashtar egіlmegen óńіrlerdі tekserý týraly usynys jasady. Bul oblystar - Jetіsý, Abaı, Aqtóbe, Aqmola, Atyraý, ShQO, Qaraǵandy, Mańǵystaý jáne Túrkіstan oblystary.