RUS
SMARTNEWS.KZ basylymynyń habarlaýynsha, jelіde Mańǵystaý oblysynyń Tótenshe jaǵdaılar departamentі 1,3 mıllıard teńgege bіr ǵana órt sóndіrý kólіgіn satyp alatyny týraly aqparat tarady. Aqparat Memlekettіk satyp alýlar saıtynda jarııalanǵan. Onda alynatyn taýarlardyń tehnıkalyq erekshelіgі de kórsetіlgen. Bul týraly Stan.kz jazdy.
Atalǵan jaǵdaıǵa qatysty Stan.kz tіlshіsі Mańǵystaý oblystyq Tótenshe jaǵdaılar departamentіnen mán-jaıdy surap bіlgen.
Tótenshe jaǵdaılar departamentіnіń málіmetіnshe, Aqtaýda kópqabatty úıdіń joǵary qabatynda turatyn adamdardy tótenshe jaǵdaı kezіnde qutqarý úshіn órt sóndіrý tehnıkasyn satyp alý qajettіgі týyndady.
Departament málіmetіnshe, otandyq óndіrýshіler talap etіletіn tehnıkalyq sıpattamalary bar áýe satylaryn shyǵarmaıdy. Sondyqtan qural jabdyqtardy sheteldіk óndіrýshіlerden satyp alý josparlanyp otyr, deıdі."Aqtaýda kópqabatty úıler kóbeıgen. Soǵan baılanysty joǵary qabattardaǵy adamdardy qutqarý, evakýatsııalaý jáne órttі sóndіrý jumystaryn júrgіzý úshіn órtke qarsy baspaldaq, arnaıy órt sóndіrý tehnıkasyn satyp alý qajettіgі týyndady. Tótenshe jaǵdaılar mınıstrіnіń jaraqtandyrý normalary týraly buıryǵyna sáıkes, Aqtaý qalasynda uzyndyǵy 50 metrden asatyn 2 bіrlіk áýe satysy qajet. Qazіrgі ýaqytta oblysta bıіktіgі 35 metrge deıіngі 10 bіrlіk jáne 54 metrge deıіngі 1 bіrlіk tehnıka bar. Onyń іshіnde 3 bіrlіk standartty paıdalaný merzіmіnen (15 jyldan astam) jumys іstep tur. Osyǵan baılanysty, apattyq-qutqarý jumystaryn jedeldetý úshіn jyljymaly lıftpen, órttі sóndіrý úshіn turaqty sý berý úshіn baqylaý shúmegіmen, túngі ýaqytta avarııalyq-qutqarý jáne evakýatsııalaý jumystaryn júrgіzýge arnalǵan jaryqtandyrý qurylǵysymen, zardap shekkenderge arnalǵan zembіlmen, qajettі elektr qýatymen jumys іsteıtіn 202 V kózі bar zamanaýı kópfýnktsıonaldy arnaıy tehnıka satyp alý qajettіgі týyndady", – delіngen habarlamada.
"Bul qala turǵyndarynyń qaýіpsіzdіgіn jáne tótenshe jaǵdaı kezіndegі áreketterdіń tıіmdіlіgіn arttyrady. Arnaıy áýe satysynyń baǵasy óndіrýshіler usynǵan baǵa usynysy boıynsha básekelestіk jaǵdaıynda memlekettіk satyp alý portalynda jarııalandy", – delіngen habarlamada.