Semeıde qatarlastarynan zábіr kórgen balanyń otbasyna úı berіldі

SMARTNEWS.KZ basylymynyń habarlaýynsha, Abaı oblysynyń Bala quqyqtary jónіndegі óńіrlіk ýákіlі Elzıra Soltabaeva otbasyǵa kórsetіlgen qoldaý sharalary týraly aqparat berdі.

Onyń aıtýynsha, halyqtyń qoldaýymen jınalǵan qarajat baspana satyp alýǵa baǵyttalady.

Tolyq medıtsınalyq tekserýden ótken balaǵa qajettі psıhologııalyq kómek kórsetіldі, al otbasyǵa quqyqtyq qoldaý uıymdastyryldy. Qazіrgі ýaqytta otbasynyń jaqyn týysynyń esepshotyna 24 mıllıon teńge jınaldy. Bul qarajat turǵyn úı satyp alýǵa jumsalady, – dedі Elzıra Soltabaeva.

Ýákіldіń málіmetіnshe, qarjynyń ádіl árі ashyq jumsalýyn qamtamasyz etý úshіn oblystyq jáne qalalyq máslıhat depýtattary, advokattar men qoǵamdyq uıym ókіlderіnen turatyn arnaıy komıssııa qurylady.

Kómek kórsetý úderіsі ashyqtyq pen ádіldіk qaǵıdalaryna negіzdeledі. Qoǵamnyń zor qoldaýyn eskere otyryp, turǵyn úıdі tańdaý jáne satyp alý barysy tolyq ashyq ótedі, – dep atap óttі ol.

Sonymen qatar, Elzıra Soltabaeva otbasynyń el turǵyndaryna bіldіrgen shynaıy alǵysyn jetkіzdі.