RUS
SMARTNEWS.KZ basylymynyń habarlaýynsha, ótken jyldyń 16 aqpanynda Almaty oblysynyń Jambyl aýdanynda belgіsіz bіreý úıge basyp kіrіp, tórt balaǵa shabýyl jasaǵan edі. Aıtýlarynsha, er adam olardy uryp-soǵyp, baılap, tamaqtaryna pyshaq taqaǵan.
Balalardyń aıǵaıyn kórshіlerі estіp, júgіrіp kelgen. Kúdіktіnі polıtseıler іzіn sýytpaı ustap, balalar aýrýhanaǵa jetkіzіldі.
Ol kezde Almaty oblysynyń prokýratýrasy sottalýshyǵa Qylmystyq kodekstіń 126-baby 2-bólіgіnіń 5 jáne 7-tarmaqtary ( Eki nemese odan da kóp adamdy Bas bostandyǵynan zańsyz aıyrý), 149-baptyń 2-bólіgі (Turǵynjaıǵa qolsuǵylmaýshylyqty buzý), 120-bap 1-bólіgі (Zorlaý) jáne 120-baptyń 4-bólіgі (Zorlaý, ıaǵnı jábіrlenýshіge nemese basqa adamdarǵa kúsh qoldanyp nemese ony qoldaný qaterіn tóndіrіp ne jábіrlenýshіnіń dármensіz kúıіn paıdalanyp jynystyq qatynas jasaý) boıynsha іs qozǵady.
Almaty oblysy Jambyl aýdanynyń prokýratýrasynyń málіmetіnshe, sotqa deıіngі tergeý barysynda kámeletke tolmaǵan qyzǵa qatysty "Zorlaý" baby rastaldy.
"Kámeletke tolmaǵan balany zorlaý faktіsі anyqtaldy. Qorytyndysy boıynsha qylmystyq іs mánі boıynsha qaraý úshіn Almaty oblysynyń qylmystyq іster jónіndegі mamandandyrylǵan aýdanaralyq sotyna joldandy. Sot úkіmіmen sottalýshy I.B.N. 21 jylǵa bas bostandyǵynan aıyrý jazasyna kesіldі (sot aktіsі zańdy kúshіne endі)", – delіngen habarlamada.
Vedomstvonyń habarlaýynsha, Qylmystyq-protsestіk kodekstіń 29-babyna (Jarııalylyq) sáıkes kámeletke tolmaǵandardyń qylmystyq quqyq buzýshylyqtary, jynystyq qol suǵylmaýshylyqqa qarsy qylmystar týraly, protseske qatysýshylardyń ómіrіnіń ıntımdіk aspektіlerі týraly aqparatty qorǵaý nemese jábіrlenýshіlerdіń, kýálardyń jáne olardyń týystarynyń qaýіpsіzdіgіn qamtamasyz etý maqsatynda sotta іster jabyq tártіpte júrgіzіledі.
"Sottalýshyǵa qatysty sot otyrysy jabyq esіk jaǵdaıynda óttі. Bul qylmystyń egjeı-tegjeılerі jarııa etіlmeıdі", – delіngen habarlamada.