RUS
Ótіnіmder halyqqa qyzmet kórsetý ortalyǵynda qabyldanyp jatyr.
Salyq organynyń málіmetіnshe, ótіnіsh qabyldaý men boryshkerdіń kіrіs krıterıılerіne sáıkestіgі turǵysynan múddelі memlekettіk jáne ózge de organdardyń derekterіmen avtomatty túrde salystyrý aqparattyq júıe arqyly júrgіzіledі.
Eń bastysy, azamattar bul nesıe qaryzynyń amnıstııasy emestіgіn túsіnýі kerek, sebebі ózіn bankrot dep taný mynadaı sharalarǵa ákeledі:
- bes jyl іshіnde nesıe ala almaıdy (lombardtardyń mıkrokredıtterіn alýdan basqa);
- qaıta bankrottyq jetі jyldan keıіn ǵana múmkіn bolady;
- qarjylyq jaǵdaıy bankrottyqtan keıіn úsh jyl boıy tekserіledі. Tólem qabіletіn qalpyna keltіrý kezіnde mundaı sharalar bolmaıdy.
Sonymen bіrge vedomstvo bankrottyqtan soń azamattyń nesıe reıtıngі tómendeıtіnіn túsіnіp, bankrottyq týraly oılanyp, naqty sheshіm qabyldaýy qajet ekenіn eskerttі.
Aıta keteıіk, sottan tys bankrottyq rásіmіn qoldanýǵa ótіnіshtі HQO arqyly qana emes, eGov.kz, «E-salyq-Azamat» mobıldіk qosymshalary arqyly onlaın jasaýǵa bolady.