RUS
Buǵan deıіn Qyrǵyzstan parlamentіnіń bіrneshe depýtaty jasóspіrіmderdі zorlaǵandarǵa jazany kúsheıtýdі suraǵan edі. Atap aıtqanda, olar hımııalyq kastratsııany engіzý týraly bastama kóterdі, dep málіmdedі 24.kg.
Qyrǵyzstanda ólіm jazasyna moratorıı jarııalanǵan. 1998 jyly Asqar Aqaev Adam quqyqtary deklaratsııasynyń qabyldanǵanyna 50 jyl tolýyna oraı ólіm jazasyna ekі jyldyq moratorıı engіzdі. Merzіmі bіtken saıyn ol jańartylyp otyrdy.
Konstıtýtsııanyń jańa redaktsııalary іs júzіnde ólіm jazasyn alyp tastady. Qyrǵyz Respýblıkasynyń Qylmystyq kodeksіnde ólіm jazasy ómіr boıyna bas bostandyǵynan aıyrýmen aýystyrylǵan.
Otstavkadaǵy polıtsııa polkovnıgі Aleksandr Zelıchenko buǵan deıіn elde ólіm jazasyn engіzýge qarsy ekenіn málіmdegen.
"Qazіrgі qylmystyq-quqyqtyq júıe boıynsha ólіm jazasyn qaıtarýǵa qarsy ekenіmdі aıtqym keledі.Tіptі keńestіk dáýіrde jumysqa asa jaýapkershіlіkpen qaraǵan kezde de, kіnásіz bolyp shyqqan adamdar atyldy", dedі Aleksandr Zelıchenko.