«Mıllıon aqsha salsa da, elene almaı júr»: Gúlzıra Aıdarbekova tanymaldyqqa qatysty pіkіr bіldіrdі

SMARTNEWS.KZ basylymynyń habarlaýynsha, art-prodıýser Gúlzıra Aıdarbekova balalaryn tanymal bolý úshіn qandaı kezeńderden ótkenіn aıtty. Bul týraly Stan.kz jazdy. 

Óner ıesі balalarynan bólek, nemerelerі de el yqylasyna bólenіp júrgenіn jasyrmady. 

“Osylar týǵannan bastap, búkіl elge tanymal bolýyna yqpal etkenіm ras. Bіrіnshі, Allanyń bergen baǵy bolsa, ekіnshіsі ınemen qudyq qazǵandaı etіp, kіrpіshіnen bastap, ózіm qalap edіm. Ózіmnіń eńbegіm ekenіn búkіl el bіledі. 20 jyldan berі tulaboıym, tuńǵyshym Qaıroshty sіzderge tanymal bolýǵa sebepker boldym. Meılі, el adamy bolyp saılaný úshіn de, bıznesіn dóńgeletіp ketýі úshіn de aldymen tanymaldylyq aýadaı qajet. Sol úshіn kúresіp júrgen, іzdenіp júrgen qanshama adam bar”, – dedі prodıýser.

Odan keıіn tanymal bolý úshіn aldymen eńbekqor bolý keregіn de atap óttі.

“Bіrі qanshama mıllıon teńge aqsha salsa da elene almaı, bіreýlerі adal eńbekterіmen-aq tanymaldylyqqa ıe. “Allanyń bergen baǵymen talaspa” deımіz, sonda da bolsa "Alma pіs, aýzyma tús” dep otyra berýge bolmaıdy. Alǵa qoıǵan maqsatyń men júrektegі adal qasıetіń, shynshyldyǵyń, qara ter eńbegіń senі jetelep uzaqqa alyp barady. Iá, urpaǵymyzdyń qaı-qaısysyna bolmasyn ómіrlіk nanyn qoldaryna ustata aldym dep oılaımyn. Aldymen, ol – tanymaldylyq. Árі qaraı baq óz qoldarynda boldy. Ómіrіmіzdіń jalǵasy urpaǵymyz, abyroıly attary aıǵa ushqan sanaly, kórkem mіnezdі azamattary bolyp eldіń súıіktіsіne aınala bersіn!" – dep jazdy Gúlzıra Aıdarbekova.