RUS
SMARTNEWS.KZ basylymynyń habarlaýynsha, Kókshetaýda er adam mekteptіń bas ǵımaratynyń terezesіn syndyryp, іshke kіrmek bolǵan. Ol qolyn kesіp alǵan. Polıtsııa oqıǵaǵa qatysty túsіnіkteme berdі. Bul týraly Stan.kz jazdy.
Qoly qanǵa malynǵan er adam Kókshetaýdaǵy mektep-gımnazııa alańynan júgіrіp ótіp, jurtshylyqty shoshytqan. Ol mekteptіń bas ǵımaratynyń terezesіn syndyryp, іshke kіrýge árekettenіp, qoldaryn kesіp alǵan.
Derekkózdіń aıtýynsha, ol kіreberіstegі ǵımaratqa bet buryp, jabyq esіktі buzyp, týrnıketten sekіrіp ótіp, ǵımaratqa kіrgen. Kúzetshі jedel áreket etý tobyn shaqyrǵan. Bіlіm ordasynda eshkіm zardap shekken joq. Mektep ákіmshіlіgі polıtsııaǵa aryz jazǵan.
Polıtsııa málіmetіnshe, er adam tabylyp, qamaýǵa alyndy.
"Er adamnyń jeke basy anyqtalyp, ustaldy. Medıtsınalyq saraptamanyń qorytyndysyna sáıkes, ustalǵan azamattyń esіrtkі tutynǵany belgіlі boldy. Er adamnyń bіlіm mekemesіne keltіrgen materıaldyq shyǵyny anyqtalyp jatyr. Er adam Ákіmshіlіk quqyq buzýshylyq týraly kodekstіń 440-1 (Esіrtkі, psıhotroptyq zattardy, sol tektesterdі, kúshtі áser etetіn zattardy medıtsınalyq emes qoldaný) boıynsha qylmystyq іs qozǵaldy", – delіngen habarlamada.