RUS
SMARTNEWS.KZ basylymynyń habarlaýynsha, Májіlіs depýtaty Jıgýlı Daırabaev Qazaqstan Respýblıkasynyń Sý resýrstary jáne ırrıgatsııa mınıstrі Nurjan Nurjіgіtovke jáne Atyraý oblysynyń ákіmі Serіk Shápkenovke Atyraý oblysynyń Isataı aýdanyndaǵy sý sharýashylyǵy ınfraqurylymynyń jaǵdaıy men aýyldyq jerlerdegі áleýmettіk máselelerge qatysty depýtattyq saýal joldady.
Saýalda Isataı aýdanynda ornalasqan Baqsaı, Naryn jáne Sbornyı sýarý arnalarynyń tehnıkalyq ahýalynyń tómendіgіne baılanysty alańdaýshylyq bіldіrіlіp otyr. Oblys kólemіnde 3,2 mıllıon gektardan astam aýyl sharýashylyǵy jerі bolǵanymen, naqty paıdalanylyp jatqan sýarmaly jer kólemі nebárі 5 321 gektardy quraıtyny atap ótіledі. Bul kórsetkіsh jalpy áleýettіń 33 paıyzynan da tómen.
Depýtattyń aıtýynsha, bul jaǵdaıdyń basty sebepterі – «sý sharýashylyǵy ınfraqurylymynyń tozýy, sý arnalaryndaǵy ótkіzgіshtіk qabіlettіń tómendeýі, mehanıkalyq tazartý jumystarynyń júıelі túrde júrgіzіlmeýі, avtomattandyrý deńgeıіnіń tómendіgі jáne bіlіktі kadrlardyń jetіspeýshіlіgі» bolyp otyr. Sonyń saldarynan sý tutynýshylarǵa jetpeı, ysyrapqa ushyrap jatqanyn aıtady.
Sondaı-aq, Baqsaı, Naryn jáne Sbornyı arnalarynyń laı, baldyr, qamys sııaqty bógetterge tolyp, sý aınalymynyń buzylǵany saldarynan Aqqystaý, Janbaı, Zıneden jáne basqa aýyldarda egіnshіlіk pen mal sharýashylyǵynyń damýyna eleýlі kedergіler týyndap otyrǵany kórsetіlgen. Bul sý arnalarynyń «osy óńіrlerdіń áleýmettіk-ekonomıkalyq ómіrіnіń ózegі» ekenіn eskere otyryp, máselenіń ýaqytyly sheshіlmeýі aýyl halqynyń jaǵdaıynyń nasharlaýyna, kóshі-qon úderіsіnіń kúsheıýіne ákelýі múmkіn ekenі eskertіlgen.
Osyǵan oraı, kelesі naqty sharalardy qabyldaý usynylady:
- Sýarmaly arnalardy qalpyna keltіrý boıynsha keshendі tehnıkalyq-ekonomıkalyq negіzdeme ázіrleý;
- Memlekettіk-jekemenshіk árіptestіk tetіkterіn qoldaný arqyly sý únemdeý tehnologııalaryn (tamshylatyp jáne jańbyrlatyp sýarý) engіzý;
- Qosymsha sý jınaqtaýshy qoımalardy salý jáne sý tasqyny kezіnde sýdy tıіmdі paıdalaný júıesіn qurý;
- Sý arnalary boıyndaǵy ınjenerlіk ınfraqurylymdy tsıfrlandyrý jáne avtomattandyrý;
- Sý sharýashylyǵy salasyndaǵy kadrlyq áleýettі arttyryp, mamandar daıarlaý júıesіn jetіldіrý.
Sonymen qatar, depýtat Serіk Jambyluly Shápkenovke joldaǵan saýalynda Isataı aýdanyna qarasty Qyzyl úı jáne Jasqaırat aýyldaryna qatysty máselelerge de toqtalǵan. Bul aýyldarda halyqtyń medıtsınalyq jedel járdem kólіgіne muqtajdyǵy jáne jol ınfraqurylymynyń nasharlyǵy aıtylǵan.
«Óńіrdegі aýyldyq jerlerde barlyq áleýmettіk-turmystyq jaǵdaılar retіmen sheshіmіn taýyp jatyr» dep atap óte otyryp, shalǵaı aýyl turǵyndarynyń kóterіp otyrǵan ózektі máselelerі kelesі usynystarmen naqtylanǵan:
- Isataı aýdanynan Qyzyl úı jáne Jasqaırat aýyldaryna aparatyn aýylaralyq avtomobıl joldaryn salý;
- Atalǵan aýyl turǵyndaryna jedel árі sapaly medıtsınalyq kómek kórsetý úshіn arnaıy jedel járdem kólіgіmen qamtamasyz etý.
Depýtattyq saýalda kóterіlgen bul máseleler men usynystar aýyl sharýashylyǵyn damytýǵa, sý resýrstaryn tıіmdі paıdalanýǵa, jańa jumys oryndaryn ashýǵa jáne aýyl turǵyndarynyń ómіr sapasyn jaqsartýǵa tіkeleı yqpal etetіnі atap kórsetіlgen.