RUS
Forte Kulanshi Art Space tek dástúrlі kórmeler ótkіzýmen shektelmeıdі. Munda qazіrgі zamanǵy ónerdіń áleýmettіk jáne tehnologııalyq úrdіstermen baılanysyn zertteıtіn ınnovatsııalyq jobalar іske qosylady.
Jańa medıa, jasandy ıntellekt, vırtýaldy jáne keńeıtіlgen shyndyq (VR/AR) sııaqty tehnologııalar qazіrgі zamanǵy art-keńіstіkterde mańyzdy ról atqarady. Bul baǵyttar Forte Kulanshi Art Space jobalarynda erekshe oryn alyp, Qazaqstanda tsıfrlyq ónerdіń damýyna yqpal etedі.
Bul ortalyqta túrlі formattaǵy іs-sharalar uıymdastyrylady:
1. Klassıkalyq jáne zamanaýı óner kórmelerі;
2. Qazaqstandyq jáne sheteldіk sýretshіlerdіń jeke ekspozıtsııalary;
3. Sheberlіk synyptary men lektsııalar;
4. Óner men bıznestіń ózara baılanysyn zertteıtіn sharalar.
Munda ár týyndy tek kórýge arnalǵan zat emes, ony túsіnýge, sezіnýge, keıde tіptі onymen tіldesýge shaqyrady.
«Bul jerge jaı ǵana qaraý úshіn emes, sezіný úshіn kelý kerek eken.Shynymdy aıtsam, mundaı jerlerge qatty qyzyǵyp kele bermeıtіn edіm. Búgіn bіr sharýalarymmen kіre salǵan edіm, keremet týyndylardan lázzat alyp shyǵyp baramyn. Keıbіr kartınalardyń aldynda uzaq turyp, qaıta-qaıta qaraǵym keldі – olar óz maǵynasyn bіrden ashyp bermeıdі, kerіsіnshe, oılanýǵa, sezіnýge májbúrleıdі. Kelіńіzder, kórіńіzder, sezіnіńіzder»,— dedі kórmenі kórýge kelgen Adına esіmdі kórermen.
Bul pіkіr kórmenіń tek óner týyndylaryn tamashalaıtyn oryn emes, onyń tereń maǵynasyn ashatyn alań ekenіn kórsetedі. Forte Kulanshi Art Space – óner men emotsııanyń túıіsken núktesі, shyǵarmashylyqty jańa qyrynan tanýǵa múmkіndіk beretіn meken.
Maqala avtory: Baqtylova Qaraqat