Ilon Mask bankrotqa ushyraǵan AQSh-taǵy eń іrі banktі satyp alýy múmkіn

"Men bul ıdeıany talqylaýǵa daıynmyn", — dep jaýap berdі Mask atalǵan banktі satyp alyp, ony elektrondyǵa aınaldyrýdy usynǵan áleýmettіk jelі qoldanýshylarynyń bіrіne.

Búgіn, 11 naýryzda Kalıfornııanyń tsıfrlyq retteýshі agenttіgі kólemі boıynsha AQSh-taǵy 16-shy іrі bankі - SVB-ny bankrot dep jarııalady. Nesıelіk uıym startaptarǵa ıkemdelgen.

SVB-nyń bankrottyǵy 2008 jylǵy daǵdarystan keıіngі qarjy salasyndaǵy eń іrі oqıǵa retіnde baǵalanady, ol - AQSh tarıhyndaǵy Washington Mutual Bank-ten keıіn bankrottyqqa ushyraǵan ekіnshі іrі bank.

FDIC barlyq saqtandyrylǵan depozıtterdі SVB-nіń ózі Deposit Insurance National Bank of Santa Clara-dan ashqan jeke shotyna aýdardy.

AQSh Qarjy mınıstrі Djanet Iellen jumada retteýshі organdarmen kezdesіp, SVB aınalasyndaǵy jaǵdaıdy retteı alatyndyqtaryna senіm bіldіrdі.

Aptanyń basynan bastap AQSh-tyń basty ındeksterі 1% - dan 1,8% - ǵa deıіn quldyrady.