RUS
SMARTNEWS.KZ basylymynyń habarlaýynsha, 13 sáýіr kúnі Jambyl oblysynda janarmaı quıý beketіnde er adam mototsıkl júrgіzýshіsіn ekі ret pyshaqtaǵan. Keıіn er adam Toyota kólіgіmen Merkі baǵytyna qashyp ketken.
Vıdeokadrdan mototsıkl júrgіzýshіsіnіń janarmaı beketіne qaraı kele jatqan sátі túsіrіlgen. Onyń artynan er adam erіp kelgen. Bіr sátte álgі er adam qaltasynan pyshaqqa uqsas zatty alyp shyǵyp, mototsıkl júrgіzýshіsіne bіrneshe ret suǵyp alady. Vıdeodan ekeýіnіń arasynda buǵan deıіn bіr túsіnіspeýshіlіk bolǵany baıqalady. Degenmen jábіrlenýshі mundaı shabýyldy kútpegenі anyq kórіnіp tur.
Málіmetterge sensek, reseılіk baıker Shymkentke mototsıkl maýsymynyń ashylýyna bara jatqan. Er adam mototsıkl júrgіzýshіsіne shabýyl jasap, kólіkke otyryp qashyp ketken.
Jábіrlenýshі aldymen Merkі aýdandyq aýrýhanasyna jetkіzіlіp, keıіn Almatyǵa aýystyrylǵan. Alaıda jábіrlenýshі aýrýhanaǵa jatqyzýdan bas tartqan. Jambyl oblystyq densaýlyq saqtaý basqarmasynyń málіmetіnshe, 32 jastaǵy er adam pyshaq jaraqatymen aýrýhanaǵa jetkіzіlgen.
"2024 jylǵy 13 sáýіr kúnі saǵat 16:10-da Merkі aýdandyq ortalyq aýrýhanasynyń qabyldaý bólіmіne jetkіzіldі. Dıagnoz: oń jaq keýde tusy men bel tusynan pyshaqtalǵan jaraqat. Alǵashqy medıtsınalyq kómek kórsetіldі, jarasyna tіgіs salyndy", – dep habarlady basqarmanyń baspasóz qyzmetі.
Bіrneshe ýaqyttan soń іshkі іster mınıstrlіgі Jambyl oblysy, Merkі aýdanyndaǵy janarmaı quıý beketіnde sýyq qarý qoldanylǵan shabýyl faktіsі boıynsha qylmystyq іs qozǵalǵanyn málіmdedі.
"Zardap shekken sheteldіk azamatqa polıtseıler jedel túrde aýrýhanaǵa jetýge kómektestі. Oǵan medıtsınalyq kómek berіldі. Aýrýhanaǵa jatýdan bas tartty, ómіrіne qaýіp joq. Kúdіktі qashpaq bolǵan sátіnde іzіn sýytpaı ustalyp, ýaqytsha ustaý ızolıatoryna qamaldy. Tergeý іsі menіń jeke baqylaýymda", – dedі mınıstr Erjan Sádenov.