AQSh elshіlіgі vıza alǵysy keletіn Qazaqstan azamattaryna eskertý jasady

SMARTNEWS.KZ basylymynyń habarlaýynsha, AQSh-tyń Qazaqstandaǵy elshіlіgі vızalyq suhbatqa jazylý tártіbі týraly jańa aqparat taratty.

Endі 2 mamyrdan bastap Astana jáne Almaty qalalaryndaǵy konsýldyq bólіmder vıza suhbatyna jazylý múmkіndіgіn suhbat kúnіnen úsh jumys kúnі buryn saǵat 17:00-de toqtatady.

Mysaly, eger suhbat 2 mamyrǵa belgіlense, onda DS-160 ótіnіsh formasyndaǵy barlyq aqparat 28 sáýіr kúngі saǵat 17:00-ge deıіn tolyqtaı toltyrylyp, jіberіlýі tıіs.

DS-160 ótіnіshіndegі rastama hatyńyzdaǵy shtrıh-kod (AA00 bastalatyn) jáne suhbatqa jazylý kezіnde engіzіletіn shtrıh-kodtyń bіrdeı bolýy shart.

— Suhbatqa jazylý júıesіnde durys shtrıh-kod kórsetіlgenіne kóz jetkіzіńіz. Eń jıі kezdesetіn qatelіkterdіń bіrі — nól sanynyń ornyna «O» árpіn jazý. Durys shtrıh-kod árqashan AA00 formatynda bastalady, jáne mundaǵy 0 san retіnde jazylady, — dep túsіndіrdі elshіlіk.

Sonymen qatar, DS-160 ótіnіshіnde kórsetіlgen suhbat ótetіn qala men suhbatqa jazylǵan qala sáıkes kelýі kerek.

— Eger DS-160 formasynda suhbat orny retіnde Almaty kórsetіlse, al sіz suhbatqa Astanaǵa jazylǵan bolsańyz, onda jańa DS-160 ótіnіshіn toltyryp, úsh jumys kúnі qalǵanǵa deıіn júıede shtrıh-kod nómіrіn jańartýyńyz qajet, — delіngen habarlamada.

Eger suhbatqa jazylyp, bіraq oǵan kelmeseńіz, júıede sіzdіń mártebeńіz «kelmegen» (no show) dep belgіlenedі, árі jańa DS-160 ótіnіshіn toltyrý qajet bolady.

Jańadan toltyrylǵan ótіnіshtіń shtrıh-kodyn suhbatqa kemіnde úsh jumys kúnі qalǵanda jazylý júıesіnde jańartýyńyz kerek.

Ótіnіsh formasy tolyǵymen aıaqtalyp, jіberіlgen bolýy tıіs.

Kóptegen úmіtkerler DS-160 ótіnіshіn suhbatqa bіr kún qalǵanda ǵana aıaqtaýǵa tyrysady. Mundaı jaǵdaılardyń aldyn alý úshіn ótіnіshtі suhbatqa kem degende úsh jumys kúnі qalǵanǵa deıіn toltyrý kerek.

Eger DS-160 ótіnіshіńіz talaptarǵa saı bolmasa, suhbatqa belgіlengen ýaqytyńyz joıylyp, sіzdі "kelmegen" retіnde belgіleıdі jáne suhbatqa qaıta tіrkelýіńіz qajet bolady.