«Aqtóbe» fýtbol klýbynda 250 mln teńge aqsha jymqyrylǵan
Elіmіzdіń jankúıerі eń kóp fýtbol klýbyna bólіngen aqshanyń jelіngenі de az emes eken.
SMARTNEWS.KZ basylymynyń habarlaýynsha, oblys prokýratýrasy «Zań jáne Tártіp» tujyrymdamasy sheńberіnde Bas prokýratýranyń tapsyrmasy boıynsha Aqtóbe fýtbol klýby qyzmetі tekserіldі.
2025 jyldyń 30 sáýіrіnde Aqtóbe oblysynyń prokýratýrasy bergen aqparatqa saı, 250 mln teńgege qarjylyq buzýshylyqtar anyqtaldy.
Onyń іshіnde oıynshylardyń transferlerі jáne áýe tasymaldaý boıynsha kúmándі mámіle jasaý bar.
Sondaı-aq, oıynshylardyń tamaqtanýyna bólіngen qarajat klýb qyzmetkerlerіmen jeke qajettіlіkterіne jumsalǵan.
Tekserý qorytyndysy boıynsha oblys prokýratýrasy Qylmystyq kodekstіń 189-babynyń 4-bólіgіnіń 2) tarmaǵy (asa іrі mólsherde senіp tapsyrylǵan bóten múlіktі jymqyrý), 361-babynyń 4-bólіgіnіń 1) tarmaǵy (laýazymdyq ókіlettіkterdі terіs paıdalaný) jáne 190-babynyń 4-bólіgіnіń 2) tarmaǵy (alaıaqtyq) boıynsha 3 sotqa deıіngі tergep-tekserýdі bastady.
Qylmystyq іster tergep-tekserý amaldaryn júrgіzý úshіn Sybaılas jemqorlyqqa qarsy qyzmetke joldandy.
Isterdіń tergelýі oblys prokýratýrasynyń baqylaýynda.
Material avtory
