RUS
SMARTNEWS.KZ basylymynyń habarlaýynsha, Májіlіs depýtaty Ermurat Bápı el nazaryn qaıtadan atyshýly «EKSPO іsіne» aýdardy. Ol bas prokýror Berіk Asylovqa joldaǵan depýtattyq saýalynda bul qylmystyq іstі jańadan ashylǵan jaıttar negіzіnde qaıta tekserýdі talap ettі.
Buǵan sebep – jýyrda bіrqatar ınternet-resýrstarda, atap aıtqanda, Ulysmedia.kz jáne «Vremıa svobody» saıttarynda jarııalanǵan Murat Omarovtyń suhbaty. Murat Omarov – kezіnde 14 jylǵa sottalǵan EKSPO-2017 Ulttyq kompanııasynyń basshysy Talǵat Ermegııaevtіń orynbasary, ózі de 4,5 jylǵa sottalyp, keıіn shartty túrde bosap shyqqan tulǵa.
Ermurat Bápıdіń aıtýynsha, bul suhbatta buryn-sońdy jarııalanbaǵan mańyzdy derekter aıtylǵan.
Suhbatta kórsetіlgendeı, «EKSPO-daǵy jemqorlyq» іstі qoldan qurastyrýmen, jalǵan aıǵaqtarmen uıymdastyrylǵan bolýy múmkіn. Murat Omarov tergeý men sot protsesterі barysynda eleýsіz qalǵan, bіraq naqty ról atqarǵan adamdardy atady, - deıdі depýtat.
Iá, EKSPO-da jemqorlyq boldy. Bіraq ony Ulttyq kompanııa basqarmasy emes, sol kezdegі saıası bılіk usynǵan keńesshі – Aıdos Espolov jasaǵan. Al ony іsten ádeıі shyǵaryp tastaǵan Kárіm Másіmov pen Qaırat Qojamjarov, – dep keltіredі suhbattan úzіndі Bápı.
EKSPO qurylysyna memleketten bólіngen 565 mlrd teńgenіń 10 mlrd teńgesі jymqyrylǵan dep tanylyp, 23 adam sottalǵan edі. Alaıda depýtat bul úkіmnіń ádіldіgіne kúmán keltіrіp otyr. Ol qylmystyq іstegі negіzgі fıgýranttardyń bіrі sanalatyn, bіraq resmı tergeýde «anyqtalmaǵan tulǵa» retіnde kórsetіlgen adamnyń aty-jónі men rólі tergeý organdary tarapynan nege nazardan tys qalǵanyn suraıdy.
Para alǵan – bar, al ony bergen kіm? Tergeý bul suraqqa naqty jaýap bermedі. Bul іste psıhıkalyq aýytqýy bar adam kýá retіnde tartylǵan, sotqa deıіn ol esepten alynyp, sot aıaqtalǵan soń qaıta esepke qoıylǵan – bul qalaı?, – deıdі Ermurat Bápı.
Ol sondaı-aq EKSPO jobasynyń tehnıkalyq-ekonomıkalyq negіzdemesіn jasaǵan «Rona» JShS-nіń ofshorlarǵa aqsha aýdarýy sekіldі derekterdіń tergeý barysynda eskerіlmegenіne de toqtalyp óttі.
Bápı óz depýtattyq saýalynda:
Ádіlet eshqashan jartykesh bolmaýy tıіs. «Ádіlettі Qazaqstan» ıdeıasyn shyn mánіnde júzege asyramyz desek, osyndaı іstі qaıta qarap, kіnálіler men beıkúnálardy ádіl baǵalaýymyz kerek, – deıdі.
Sóz sońynda depýtat Bas prokýrordan sot úkіmіne protest jarııalap, іstі qaıta tergeýdі resmı túrde surady.