RUS
Prezıdentke óńіr ekonomıkasynyń ósіmіn qamtamasyz etý, halyqtyń turmys sapasy men tabysyn arttyrý, sondaı-aq jańa oblys ortalyǵyn damytý jónіndegі tapsyrmalarynyń oryndalý barysy týraly esep berіldі.
Marat Sultanǵazıevtіń aıtýynsha, byltyr oblysta áleýmettіk-ekonomıkalyq damýdyń barlyq negіzgі salasy boıynsha turaqty ósіm kórsetkіshі saqtalǵan. 37,2 myń jumys orny ashylǵan. Onyń 26,3 myńy – turaqty jumys.
Memleket basshysyna óńіrde sý tasqynyna qarsy іs-sharalardy іske asyrý, turǵyndar men sharýashylyq nysandarynyń qaýіpsіzdіgіn qamtamasyz etý jáne tabıǵı apattar saldarynan bolatyn zalaldy múmkіndіgіnshe azaıtý jónіnde málіmet berіldі.
Prezıdentke oblys ortalyǵyn damytýdyń 2030 jylǵa deıіngі keshendі damý josparynyń ázіrlený barysy týraly baıandaldy.
Ákіm kóktemgі egіn egý jumystaryna, saıajaı alaptary jónіndegі túıtkіlderdіń sheshіlýіne, ınjenerlіk ınfraqurylymnyń rekonstrýktsııasyna jáne aýyl sharýashylyǵy maqsatyndaǵy ıgerіlmeı jatqan jerlerdі memleketke qaıtarýǵa qatysty máseleler týraly aıtty.
Qasym-Jomart Toqaev oblys ákіmіne ortalyq memlekettіk organdarmen bіrlesіp, Qonaev qalasyn damytý josparyn pysyqtaý jónіndegі júıelі jumystardy jalǵastyrýdy, sondaı-aq oblys aýmaǵyn keshendі damytý mіndetterіn júzege asyrýdy tapsyrdy.