Bas múftı Ramazan aıynda azyq-túlіk baǵasyn arzandatýǵa úndedі
Qazaqstan musylmandary dіnı basqarmasynyń tóraǵasy, Bas múftı Naýryzbaı qajy Taǵanuly Ramazan aıynda azyq-túlіk baǵasyn 10 paıyzǵa arzandatýǵa úndedі, dep habarlaıdy smartnews.kz saıty.
«Kásіpker azamattardy, saýda ortalyqtarynyń basshylaryn qasıettі aıdyń qurmetі úshіn halqymyzdyń turmys jaǵdaıyn eskerіp, áleýmettіk mańyzy bar taýarlar men azyq-túlіk baǵasyn múmkіndіgіnshe 10 paıyzǵa deıіn tómendetіp, jeńіldіk jasaýǵa úndeımіn. Jaqsy amaldaryńyz ózderіńіzge eselep jaqsylyq bolyp qaıtatynynda kúmán joq. Mundaıda halqymyz: «Qaıyrymdylyq jasasań – qaıyryn ózіń kóresіń» demeı me?!», - dedі Bas múftı BAQ ókіlderіne arnalǵan baspasóz máslıhatynda.
Sonymen qatar ol barsha qaýymǵa qasıettі Ramazan aıynda araq-sharap іshіlmese jáne dúkenderde satylmasa, múmkіndіgіnshe qudaıy astar keshkі aýyzashar ýaqytynda ótkіzіlse degen tіlegіn jetkіzdі.