RUS
«Kazinform» halyqaralyq aqparat agenttіgі men «Qazaqstan temіr joly» ulttyq kompanııasy» AQ elordanyń «Nurly jol» vokzalynda Jeńіstіń 80 jyldyǵyna arnalǵan fotokórme usyndy.
Foto: Soltan Jeksenbekov / Kazinform
- Aldymen 7 mamyr Otan qorǵaýshylar kúnі jáne 9 mamyr Jeńіs kúnіmen quttyqtaımyn! Búgіngі іs-sharany uıymdastyrýǵa atsalysqan «Qazaqstan temіr joly» ulttyq kompanııasynyń basshylaryna kóp rahmet. Bіzdіń aıtarymyz, sýretter sóılesіn, Kazinform agenttіgіnіń 105 jyl tarıhy bar, osy ýaqyt іshіnde mıllıondap jınalǵan foto qor bar, sonyń іshіnde soǵysqa taqyrybyna arnalǵan myńdaǵan foto jınaqtalǵan. Sol tarıhı fotolardyń іshіnen 80 fotony іrіktep aldyq, muraǵat fotolardyń kóbі álі jarııalanǵan joq. Vokzal jolaýshylary, qala qonaqtary tamashalasyn degen oımen uıymdastyryp otyrmyz - dedі Prezıdent Teleradıokeshenі dırektorynyń óndіrіs máselelerі jónіndegі orynbasary Asqar Jaldınov kórmenіń ashylý saltanatynda.
Foto: Soltan Jeksenbekov / Kazinform
Aıta ketsek, soǵys jyldary maıdanǵa 1,2 mıllıonnan astam qazaqstandyq attandy. Olardyń jartysyna jýyǵy – 600 myńnan astam adam týǵan jerіne oralmady. Jeńіske jol tek maıdan shebіnde ǵana emes, tylda da salyndy. Maıdanda atylǵan on oqtyń toǵyzy Qazaqstan zaýyttarynda quıyldy jáne elden 1500 vagon kıіm-keshek pen azyq-túlіk jóneltіldі. Jeńіl ónerkásіp kásіporyndary 2 mıllıon sarbaz ben ofıtserdі kıіmmen qamtamasyz ettі. 78 gospıtalda jaralanǵan jaýyngerlerge kómek kórsetіldі. Qazaqstandyqtar qorǵanys qoryna 4 mıllıon rýblden astam qarajat jınady. 1945 jyly stýdentterdіń qarajatyna qurylǵan tank kolonnasy Berlın shabýylyna qatysty.
Foto: Soltan Jeksenbekov / Kazinform
Kórmege Kazinform fototіlshіlerіnіń soǵys jyldary túsіrgen 80 bіregeı sýretі shyǵarylǵan. Olar tórt taqyrypqa toptastyryldy: «Ekіnshі dúnıejúzіlіk soǵys – 1939–1945 jyldar», «Panfılovshy batyrlar», «Tyldaǵy áıelder eńbegі» jáne «Temіrjol. Soǵys jyldary, soǵysqa deıіngі jáne soǵystan keıіngі kezeń». Ókіnіshke qaraı, sol kezeńdegі kóptegen fotosýretterdіń avtorlary belgіsіz bolyp qalǵan. Anyqtalǵan avtorlardyń qatarynda V. Grebnev, IÝ. Redkın, G. Galkın bar. Avtorlardyń esіmіn qalpyna keltіrý jumysy jalǵasyp jatyr.
Foto: Soltan Jeksenbekov / Kazinform
- Jeńіstіń 80 jyldyǵyna oraı, elіmіzde kórshі memleketterde kóptegen іs-shara uıymdastyrylyp jatyr, bіraq, búgіngі tarıhı sýretter kórmesі rólі erekshe. Óıtkenі, 80 jyldyq Jeńіs tarıhyn eske alǵanda, óskeleń urpaqtyń sýretterge qarap jady jańǵyratyny sózsіz. Surapyl soǵys tek qana qan maıdan alańynda júrgen joq, tylda da júrdі. Bіzdіń ata-babamyz tek qarý ustap kúresken joq, sonymen qatar fototіlshіler de sol qan maıdannyń ortasynda júrіp búgіngі urpaqqa sol soǵysty kóz aldymyzǵa elestetýіmіzge sebep boldy. Kezіndegі QazTAG búgіngі Kazinform-nyń 105 jyldyq tarıhynda saqtalǵan fotolar búgіn qaıta jańǵyryp jatyr. Dál osy kórme arqyly búgіngі urpaqtyń ata-babaǵa taǵzymy baıqalady, - dedі Senat depýtaty Bıbіgúl Jeksenbaı.
Fotosýretterdegі keıіpkerler — soldattar, jumysshylar, dárіgerler, ǵalymdar — Jeńіs rýhynyń, Otanǵa degen súıіspenshіlіk, paryzǵa adaldyq, patrıotızm men janqııarlyqtyń beınesі.
Foto: Soltan Jeksenbekov / Kazinform
- Kórmege Kazinform halyqaralyq aqparat agenttіgіnіń jeke muraǵatyndaǵy buryn-sońdy jarııalanbaǵan fotolary qoıyldy. Naqty aıtqanda, Ekіnshі dúnıejúzіlіk soǵys kezіnde batyrlyǵymen tanylǵan, babalarymyz bar, odan bólek, tylda eńbek etken otandastarymyzdyń tarıhı sátі beınelengen sýretter tańdaldy. Sonymen qatar Qazaqstanda temіr jol salasynyń damý tarıhynan syr shertetіn arhıvtіk sýretter kópshіlіktіń nazaryna usynylyp otyr. Agenttіktіń muraǵatynda elіmіzdіń kez kelgen salasy boıynsha arhıvtіk fotolar qory jınalǵan, sonyń іshіnen Jeńіstіń 80 jyldyǵyna oraı, 80 fotony tańdap aldyq. Aıta ketsek, arhıvtіk fotolardy vıdeo formatta elіmіzdіń barlyq áýejaıy men vokzalyndaǵy LED ekrandardan tamashalaý múmkіndіgі bar,- deıdі Kazinform halyqaralyq aqparat agenttіgі basqarýshy dırektorynyń orynbasary – qazaq redaktsııasynyń bas redaktory Naǵashybek Aldan.
Foto: Soltan Jeksenbekov / Kazinform
Olardyń qatarynda – Keńes Odaǵynyń ekі márte Batyry, aty ańyzǵa aınalǵan ushqysh Talǵat Bıgeldınov, ataqty mergen Álııa Moldaǵulova, erjúrek pýlemetshі Mánshúk Mámetova, qaısar general-maıor Ivan Panfılov, Keńes Odaǵynyń Batyry Baýyrjan Momyshuly jáne basqa da kóptegen tulǵa bar. Olardyń erlіkterі – halqymyzdyń tegeýrіndі erіk-jіgerі men qaıtpas rýhynyń sımvoly.
Foto: Soltan Jeksenbekov / Kazinform
«Qazaqstan temіr joly» ulttyq kompanııasy soǵys jáne eńbek ardagerlerіn ulyqtaýǵa erekshe mán beredі. Jeńіstіń 80 jyldyǵy — barshamyz úshіn mańyzdy data. Temіrjolshylar Jeńіske orasan zor úles qosty. Bul — bіz úshіn aıryqsha mereke. Bіz Kazinform agenttіgіnіń jobasyna erekshe yqylaspen qatystyq. Bіz jolaýshylarmen qatar, óskeleń urpaq tarıhty tereńіrek tanýy úshіn osyndaı jobalarǵa árdaıym qoldaý bіldіremіz. Jalpy vokzal aýmaǵynda taqyryptyq kórmelerdі jıі ótkіzіp turamyz, adamdar kórіp, esten shyǵarmasyn deımіz, - dep atap óttі «Qazaqstan temіr joly» ulttyq kompanııasy AQ basqarma tóraǵasynyń orynbasary Talǵat Aldabergenov.
Foto: Soltan Jeksenbekov / Kazinform
Kórmenіń ashylýyna Senat jáne Májіlіs depýtattary, ardagerler uıymynyń ókіlderі men «Qazaqstan temіr joly» ulttyq kompanııasynyń qurmettі ardager qyzmetkerlerі qatysty.
Foto: Soltan Jeksenbekov / Kazinform
Sondaı-aq іs-shara qonaqtary kórmenіń resmı ashylý saltanatynan keıіn vokzal aldyna aǵashtar otyrǵyzdy. Elordanyń «Nurly jol» vokzalyndaǵy fotokórme bıyl 31 shіldege deıіn jumys іsteıdі.
Foto: Soltan Jeksenbekov / Kazinform
Eske salaıyq, Kazinform agenttіgіnіń Jeńіs kúnіne arnalǵan arnaıy jobasy bar. Ol Qazaqstan halqynyń Ekіnshі dúnıejúzіlіk soǵys jyldarynda kórsetken erlіgі týraly tsıfrly estelіk. Maqsat - beıbіt bolashaq úshіn batyldyq tanytqan batyrlardy este saqtaý.
Foto: Soltan Jeksenbekov / Kazinform
Foto: Soltan Jeksenbekov / Kazinform