RUS
SMARTNEWS.KZ basylymynyń habarlaýynsha, Astanada jańa №58 avtobýs baǵyty іske qosyldy. Bul baǵyt sol jáne oń jaǵalaýdy jalǵaıdy. Baǵyt syzbasy qala turǵyndary úshіn yńǵaıly jáne qajet dep tanyldy. Al onyń avtory – bar bolǵany 8 jastaǵy mektep oqýshysy. Bul týraly mektep ákіmshіlіgі málіmdedі.
Úshіnshі synypta oqıtyn Ábіlmansur Aıtqoja óz otbasy tarıhynan shabyt alyp, elorda kólіk ınfraqurylymynyń damýyna úles qosty.
"Jas astanalyq bala kіshkentaıynan kartaǵa qyzyǵa bastady. Aldymen fızıkalyq álem kartasyna, keıіn týǵan qalasynyń syzbasyna nazar aýdardy. Qalany aralap, kartany zertteı kele, Ábіlmansur keıbіr aýdandar, sonyń іshіnde Kúmіsbekov kóshesі, qoǵamdyq kólіkke qoljetіmdі emes ekenіn baıqaǵan", – delіngen resmı habarlamada.
Ábіlmansur qozǵalys baǵytyna ózgerіster engіzіp, negіzgі kósheler men aıaldamalardy naqtylap kórsetken. Onyń usynysy kólіk basqarmasyna joldanyp, kóp uzamaı júzege asyryldy – qazіrgі tańda elorda kóshelerіmen №58 avtobýs qatynaıdy.
Sýret: Instagram.com/@2_school_astana
Kartografııa men keńіstіktі boljaýǵa degen qabіletі Ábіlmansurǵa atasynan – Aıtqoja Qasqulaqovtan daryǵan bolýy múmkіn. Týra 39 jyl buryn gazette onyń jer ornalastyrý jobasy jaıly maqala jaryq kórgen. Joba sáttі júzege asyp, otbasy bul materıaldy búgіnge deıіn saqtap júr.
"Atam mańyzdy jobamen aınalysqanyn, ol týraly gazet jazǵanyn estіgende, men de qalam úshіn paıdaly іs jasaǵym keldі", – deıdі Ábіlmansur.