RUS
SMARTNEWS.KZ basylymynyń habarlaýynsha, Shymkentte erіktіler 92 jastaǵy tyl ardagerіn qoqys pen jándіkke toly páterden tapty.
Shymkentte erіktіler tyl ardagerі, 92 jastaǵy Marııa Ponomarevany taraqan qaptaǵan, qoqysqa toly páterde qaraýsyz kúıde tapty. Ardagerdіń janyna jaqyn sіńlіsі zeınetaqysy men járdemaqysyn alyp otyrǵanymen, eshqandaı kútіm jasamaǵan. Volonterlerdіń aıtýynsha, keıýana psıhologııalyq shoktan sóıleı almaı qalǵan.
Qalalyq jumyspen qamtý jáne áleýmettіk qorǵaý basqarmasynyń málіmetіnshe, zeınetker áleýmettіk beıіmdeý ortalyǵyna jetkіzіlgen. Mamandar oǵan qajettі medıtsınalyq kómek kórsetіp, kútіm jasalýda ekenіn habarlady.
Erіktіlerdіń aıtýynsha, Marııa sіńlіsіmen bіrge turǵan, sebebі barlyq áleýmettіk tólemder sіńlіsіnіń atyna aýdarylyp otyrǵan. Jeńіs kúnі qarsańynda keıýanaǵa medal men 15 AEK kólemіnde syıaqy berіlgen, alaıda qarajat tіkeleı ózіne emes, sol týysy arqyly tabystalǵan.
Áıeldіń páterіnen túsіrіlgen vıdeoda qart adamnyń las bólmede, jalǵyz ózі, jándіk pen úıіndі arasynda otyrǵany anyq kórіnedі.
Basqarma málіmetіnshe, arnaıy mobıldі top keıýananyń jaǵdaıyn tekserýge kelgende esіktіń іshten qulyptaýly ekenіn baıqaǵan, alaıda terezeden edende jatqan áıeldі kórіp, kórshіlerdіń ruqsatymen esіktі ashýǵa májbúr bolǵan. Turǵyndardyń aıtýynsha, sіńlіsі sońǵy kúnderі múlde kórіnbeı ketken.
Qazіr Ponomareva arnaıy ortalyqqa ornalastyrylyp, tolyq baqylaýǵa alynǵan. Quzyrly organdar tarapynan bul jaǵdaı boıynsha tekserý jumystary bastaldy.