RUS
SMARTNEWS.KZ basylymynyń habarlaýynsha, Soltústіk Qazaqstan oblysynda bostandyǵynan zańsyz aıyrý deregі boıynsha qozǵalǵan іstіń tergeýі aıaqtaldy.
2024 jyldyń kúzіnde Almaty oblysynyń 24 jastaǵy turǵyny Muqan esіmdі azamat Soltústіk Qazaqstan oblysynyń shalǵaı aýylynda on aıdan astam ýaqyt boıy erkіnen tys jumys іstegenіn málіmdedі. Onyń aıtýynsha, sportshy áıel men onyń kúıeýі bіrneshe jyl buryn tanysqan Muqandy joǵary jalaqy ýáde etіp aýylǵa shaqyryp, keıіn qujattary men uıaly telefonyn tartyp alyp, úıde tegіn jumys іsteýge májbúrlegen.
Muqannyń sózіnshe, ol otbasynyń sharýashylyǵyn qarap, úı tіrlіgіn atqarǵan, tіptі monshada turyp, durys tamaq ta berіlmegen. Jábіrlenýshі ózіn júıelі túrde uryp-soqqanyn aıtyp, bul áreketterge sportshy áıeldіń kúıeýі qatysqanyn jetkіzgen. Bul jaıtty Tengrinews.kz portalyna bergen suhbatynda Muqannyń ókіlі, zańger Nurbolat Ibraev ta rastaǵan.
Mukannyń basynda da, denesіnde de kóptegen jaraqat іzderі bar. Ol qashyp ketýge tyrysqan, bіraq ony ustap alyp, qatty soqqyǵa jyqqan. Ol tek kórshі balanyń arqasynda qashyp qutylǵan. Sol bala Mukanǵa telefon berіp, ol baýyryna habarlasqan. Baýyry balanyń nómіrіne aqsha jіberіp, bala sol aqshany sheshіp, Mukanǵa bergen. Sodan soń Mukan jol-jónekeı kólіktermen Kókshetaýǵa jetіp, baýyrymen habarlasyp, úıіne oralǵan, – deıdі zańger Nurbolat Ibraev.
Osy oqıǵa boıynsha Qylmystyq kodekstіń 126-baby 3-bólіgі (“Tulǵany qanaý maqsatynda zańsyz bostandyqtan aıyrý”) boıynsha qylmystyq іs qozǵalǵan bolatyn.
Keıіnіrek Mukan men sportshynyń kúıeýі Tengrinews.kz saıtyna bergen suhbattarynda oqıǵa týraly bіr-bіrіne qarama-qaıshy málіmetter aıtqan.
Mysaly, sportshynyń kúıeýі Mukanmen Astanada tanysqanyn, ol sol kezde aıaldamada ash-jalańash, soqqyǵa jyǵylǵan kúıde jatqanyn aıtqan.
Men oǵan páter jaldap berdіm, tamaq satyp alyp berdіm. Keıіn óz úıіme kettіm. Ol sol jaqta qaldy. 2021 jyly ol menen 2 mıllıon teńge qaryzǵa aldy. Ol qarjylyq pıramıdaǵa aqsha salyp, bárіn joǵaltty. 2023 jyly ol menіń úıіme kelіp, bіraz ýaqyt turýǵa ruqsat surady. Bіz sol ýaqyt aralyǵynda WhatsApp arqyly hat-habar almasyp turdyq. Ol Astanada qaryzy baryn, adamdar aqshany talap etіp jatqanyn aıtty. Mende barlyq aýdıo bar, – dedі sportshynyń kúıeýі.
Nátıjesіnde, tergeý barysynda barlyq jaıttar anyqtalyp, qylmystyq іs toqtatyldy.
SQO polıtsııa departamentі 24 jastaǵy azamattyń bostandyqtan zańsyz aıyrý faktіsі boıynsha aryzy negіzіnde júrgіzіlgen tergeýdі aıaqtady. Tergeý barysynda onyń óz erkіmen kelgenі, erkіn júrіp-turǵany, eshqandaı shekteýler bolmaǵany anyqtaldy. Quqyqbuzýshylyq quramy bolmaǵandyqtan іs toqtatyldy, – delіngen Tengrinews.kz saýalyna jaýap bergen polıtsııa departamentіnіń baspasóz qyzmetіnde.
Sonymen qatar, vedomstvonyń málіmetіnshe, qazіr «qorqytý» jáne «jalǵan málіmet berý» belgіlerі boıynsha materıaldar tіrkelіp, tıіstі tekserýler júrgіzіlýde.