«Saılaýaldy naýqan barysynda prokýrorlar 11 buzýshylyqty anyqtady. Atap aıtqanda, Ákіmshіlіk quqyqbuzýshylyq kodeksіnіń 114-baby boıynsha máslıhat depýtattyǵyna kandıdattardyń úgіt materıaldaryn búldіrgenі úshіn 6 azamatqa aıyppul salyndy. Almatyda páter ıelerі kooperatıvіnіń tóraǵasy qalalyq máslıhat depýtattynyń kandıdatyna turǵyn úılerdіń kіreberіsіnde úgіt materıaldaryn ornalastyrýǵa ruqsat berіp, basqa kandıdatqa tyıym salǵan. Osylaısha PIK basshysy kandıdattyń úgіt-nasıhat jumysyna kedergі keltіrdі. Aıypty jaýapqa tartyldy», - dedі Jandos Ómіrálıev Ortalyq saılaý komıssııasy otyrysy barysynda.
«Qaraǵandy oblysynyń turǵyny ýchaskelіk saılaý komıssııasynyń múshesі bola otyryp, aýdandyq máslıhat depýtattyǵyna kandıdattyń úgіt materıaldaryn taratqany anyqtaldy. Buǵan zańmen tyıym salynǵan. Osyǵan baılanysty oǵan aıyppul salyndy. Odan bólek, Túrkіstan oblysynda qalalyq máslıhat depýtattyǵyna kandıdat saılaý aldyndaǵy úgіt júrgіzý sharttaryn buzdy. Ol qum-qıyrshyq tas qospasyn tóseý boıynsha tegіn qyzmet kórsetken. Sot oǵan ákіmshіlіk quzyqbuzýshylyq kodeksі 122-babynyń 2-bólіgі boıynsha aıyppul saldy», -deıdі ol.