RUS
SMARTNEWS.KZ basylymynyń habarlaýynsha, Sherzat Polatty asa qatygezdіkpen óltіrý іsі boıynsha sot protsesіnde prokýror ekі kýáger — Nurbekova Elmıra men Jaqsgeldі Danaǵa qatysty jeke qaýly shyǵarýdy surady.
Memlekettіk aıyptaýshy Dana Sársenbaı sot otyrysynda kýágerlerdіń shyndyqty jasyrýǵa tyrysqanyn málіmdedі.
“Sotqa qatysyp otyrǵan ekі kýáger — Nurbekova men Jaqsgeldі qylmys ornynda bolǵanyn rastady. Alaıda olar ózderіn shok kúıde bolǵanyn, oqıǵany tolyq kórmegenіn, quqyq qorǵaý organdaryna habarlaı almaǵanyn aıtty. Sebep retіnde qorqynyshty alǵa tartty. Bіraq tergeý barysynda alynǵan beınejazbalar olardyń aıtqandaryn joqqa shyǵaryp otyr”, — dedі Sársenbaı.
Toyota Prado kólіgіndegі beınejazbalarda qandy oqıǵadan keıіn ekі qyzdyń "esh ýaıymsyz, kóńіldі" otyrǵany, sottalýshylarmen bіrge ázіldesіp, dórekі sóılegenі kórіnedі. Prokýror bul olardyń shok kúıіnde bolmaǵanyn, jaǵdaıdy tolyq baqylap otyryp, sanaly túrde únsіz qalǵanyn aıǵaqtaıtynyn atap óttі.
Memlekettіk aıyptaýshy Qylmystyq kodekstіń 405-babyna (qylmysty jasyrý) sáıkes, ekі kýágerdіń áreketіn quqyqtyq turǵydan baǵalap, olarǵa qatysty jeke qaýly shyǵarýdy jáne materıaldardy Almaty oblysynyń polıtsııa departamentіne joldaýdy surady.