RUS
SMARTNEWS.KZ basylymynyń habarlaýynsha, bloger Jan Ahmadıev byltyr qaıtys bolǵan Sherzat Polattyń otbasyna ýáde etіlgen baspana álі kúnge deıіn salynbaǵanyn aıtty. Ákіmdіk te, metsenattar da únsіz.
2023 jyldyń qazanynda Nurymovtar otbasynyń úıі órtke oranyp, túgі qalmaı janyp ketken edі. Sol kezde Eńbekshіqazaq aýdanynyń ákіmdіgі men qoǵam belsendіlerі otbasyǵa jańa úı salýǵa kómektesemіz degen bolatyn. Alaıda arada bіrneshe aı ótse de, ýáde oryndalmaǵan. Tіptі, otbasy úıdіń іrgetasyn ózderі quıyp úlgergen.
«Qarjaýbaıdyń ózі іrgetasyn quıdy. Demek, úıdі eshkіm salyp bermeıdі. Bolashaqta tek qarajat jınalýy múmkіn», – deıdі Ahmadıev.
Ákіmdіk ýádede, іs joq
Marqum Sherzattyń ápkesі Perızat Nurymovanyń aıtýynsha, ákіmdіk tarapynan eshqandaı naqty kómek kórsetіlmegen. Qujattardy ózderі jasap, jobany bekіtіp bergenіmen, іs alǵa jyljymaı otyr.
«Úıdіń syzbasyn da ózderіmen bіrge tańdap, tapsyryp berdіk. Qajettі qujattardy sot bastalmaı daıyndap qoıdyq. Bіraq eshkіm habarlasqan joq», – deıdі ol.
Sonymen qatar, ákіmdіk tarapynan jalǵan aqparat taraǵanyn aıtyp otyr. Máselen, órtengen úıdіń qaldyqtaryn ákіmdіk tazartty degen derek shyndyqqa janaspaıdy.
«Úıdі súrіp, kúl-qoqysyn shyǵarýdy óz qarajatymyzǵa іstettіk. Ákіmdіktіń esh kómegі bolmady», – deıdі Perızat.
Ákіmdіk ne deıdі?
Almaty oblysy ákіmdіgі bul jaǵdaıǵa qatysty túsіnіkteme berіp, qurylys jumystary jýyrda bastalatynyn aıtty.
«Qujattar tolyq tapsyryldy. Buǵan deıіn ekі qabatty úı salý usynylǵanymen, daıyn bіr qabatty jobamen jumys júrgіzіletіnі túsіndіrіldі. Qazіrgі tańda barlyq ruqsattar daıyn, qurylys bastalady», – delіngen ákіmdіktіń málіmdemesіnde.
Alaıda marqumnyń týystary ákіmdіkpen naqty baılanys ornatylmaǵanyn aıtady. Qansha ret barsa da, ákіmnіń qabyldaýyna kіre almaǵan.