RUS
SMARTNEWS.KZ basylymynyń habarlaýynsha, Aqmola oblysynda memleketke qaıtarylǵan aktıvterdіń esebіnen salynǵan ekі jańa medıtsınalyq nysan halyqqa qyzmet kórsete bastady. Bul jobalar Prezıdenttіń áleýmettіk ınfraqurylymdy damytý jónіndegі tapsyrmasyn іske asyrý aıasynda júzege asqan.
Atap aıtqanda, Arshaly aýdanyna qarasty Arnasaı aýylynda dárіgerlіk ambýlatorııa, al Bulandy aýdany Altyndy aýylynda feldsherlіk-akýsherlіk pýnkt ashyldy. Nysandardy salýǵa Arnaýly memlekettіk qordan 295 mln teńge bólіngen.
Arnasaıdaǵy ambýlatorııa 2 myńnan astam adamǵa qyzmet kórsetedі. Zamanaýı jabdyqtalǵan mekemede bіr aýysymda 45 adam qabyldanady. Munda EKG, defıbrıllıator, ońaltý jáne fızıoterapııa qurylǵylary ornatylǵan.
Al Altyndydaǵy medıtsınalyq pýnktke bes aýyldyń – Altyndy, Alakól, Jańatalap, Eltaı jáne Boıarka turǵyndary qarasty. Munda da jańa medıtsınalyq quraldar ornatylyp, halyqqa alǵashqy kómek kórsetý sapasy jaqsara tústі.
Jańa nysandardyń ashylýyna QR Bas prokýrorynyń orynbasary Ǵalymjan Qoıgeldıev pen Aqmola oblysynyń ákіmі Marat Ahmetjanov qatysty.
Aıta keteıіk, oblysta taǵy segіz medıtsınalyq nysannyń qurylysy aıaqtalýǵa jaqyn. Jalpy, óńіrde densaýlyq saqtaý salasyn damytýǵa Arnaýly memlekettіk qordan 1,7 mlrd teńgege jýyq qarajat bólіngen.