RUS
SMARTNEWS.KZ basylymynyń habarlaýynsha, Ózbekstan Syrtqy іster mınıstrlіgі (SIM) Reseıde turatyn óz azamattaryna qatysty sebepsіz tekserýler men dórekі qarym-qatynasqa alańdaýshylyq bіldіrdі. Bul týraly 11 maýsym kúnі Reseı ókіlderіmen kezdesý qorytyndysy boıynsha Ózbekstan SIM baspasóz hatshysy Aҳror Býrhanov málіmdedі.
«Mundaı jaǵdaılar bіzdіń elder arasyndaǵy dostyq qatynasqa sáıkes kelmeıdі. Olardy boldyrmaý úshіn naqty sharalar qabyldanýy qajet», – delіngen Býrhanovtyń áleýmettіk jelіdegі jazbasynda.
Mınıstrlіk reseılіk arnaıy jasaqtyń 8 maýsymda Máskeýdegі mıgranttarǵa arnalǵan jataqhanada júrgіzgen reıdіne qatysty alańdaýshylyq bіldіrіp, Reseıdіń Syrtqy іster mınıstrlіgіne resmı nota joldaǵan. Notada reseılіk quqyq qorǵaý organdary qyzmetkerlerіnіń áreketіne quqyqtyq baǵa berý suralǵan.
Ózbekstan tarapy bul oqıǵany «adam quqyqtarynyń aıqyn buzylýy» dep baǵalady. Mınıstrlіk Ózbekstannyń sheteldegі azamattarynyń quqyqtary men múddelerіn qorǵaýdy «basym baǵyt» dep atady. Bul baǵytta jumys Máskeýdegі elshіlіk arqyly jalǵasyp jatyr.
«Ózbekstan barlyq tarapty halyqaralyq quqyq pen adam quqyqtaryn saqtaýǵa shaqyrady», – delіngen málіmdemede.
Reseı tarapy jaýap qatty
Reseı Syrtqy іster mınıstrlіgі óz kezegіnde Ózbekstan elshіlіgіnіń notasyn alǵanyn rastap, ony «nazarǵa alyp, muqııat qarap jatqanyn» habarlady. Sonymen qatar vedomstvo ekі el arasyndaǵy qarym-qatynas «odaqtastyq jáne strategııalyq» sıpatqa ıe ekenіn jáne «barlyq ekіjaqty másele osy negіzde sheshіletіnіn» málіmdedі.
Ishkі іster mınıstrіnіń málіmdemesі
Osy jaǵdaıǵa baılanysty Reseıdіń іshkі іster mınıstrі Vladımır Kolokoltsev te málіmdeme jasady. Onyń aıtýynsha, elde zańsyz júrgen mıgranttarǵa tózіmdіlіk tanytylmaıdy.
«Kóshe men turǵyn úı sektorlarynda zańsyz júrgen mıgranttar bolmaýy tıіs. Jumyssyz qalǵan, ýnıversıtetten shyǵarylǵan, saýsaq іzіn tapsyrmaǵan, tіldі úırenbegen, qoǵamǵa paıda ákelmeıtіnder – elden ketýі kerek», – dedі mınıstr. Bul týraly onyń sózі jazylǵan beınerolıktі IIM resmı ókіlі Irına Volk Telegram-arnasynda jarııalady.
Sondaı-aq mınıstr «mıgranttar arasyndaǵy qylmysqa júıelі túrde tosqaýyl qoıýdy», onyń nátıjelerіn «belsendі túrde jáne konstrýktıvtі baǵytta» jarııalap otyrýdy tapsyrdy.
Kolokoltsev eldegі kóshі-qon bólіmshelerіnіń aldynda jınalǵan adamdar jergіlіktі turǵyndardyń narazylyǵyn týdyrmaýy úshіn, buǵan jol bermeý qajet ekenіn de atap óttі.