RUS
SMARTNEWS.KZ basylymynyń habarlaýynsha, atyshýly Sherzattyń іsі boıynsha qarjylaı kómektі Aıtbek Amangeldі qordan ózі suraǵany belgіlі boldy. Qantar dırektorynyń orynbasary Muhamedhan Omarov Orda.kz basylymyna mán-jaıdy aıtyp berdі.
2022 jylǵy Qańtar oqıǵasynan keıіn qurylǵan Qantar quqyqtyq kómek kórsetý ortalyǵy qoǵamdyq qorynyń aty elge belgіlі. Qor quqyq qorǵaý organdarynyń ozbyrlyǵynan zardap shekken azamattarǵa zańgerlіk jáne psıhologııalyq qoldaý kórsetіp keledі. Alaıda sońǵy kezde Qantar-dyń aty Sherzat Polattyń іsіne baılanysty jıі atalyp júr. Aıtbek Amangeldі bastaǵan toptyń osy іske aralasýy men olardyń alǵan qarajaty qoǵamda daý týǵyzdy.
Qantar qory Qańtar kezіnde oq tıіp qaıtys bolǵan, soqqyǵa jyǵylǵan, azaptalǵan adamdarǵa kómektesken. Mysaly: Almatyda oqıǵa kezіnde jaralanǵan Berіk Ábіshevke, kózіnen aıyrylǵan Ermek Ábdіráshovke, azaptaýǵa ushyraǵan Azamat Batyrbaevqa, Taldykorǵanda avtokólіgіne oq atylǵan Seıіtqulovtar otbasyna, qaıtys bolǵan 4 jasar Aıkórkemnіń otbasyna zańgerlіk kómek kórsetken.
Qor 55 іstі zerttep, onyń іshіnde 16 adamǵa taǵylǵan aıyptyń negіzsіz ekenіn dáleldep, іstі japqyzǵan.
2024 jyldyń kúzіnde qor ekі rezonansty іske aralasýǵa sheshіm qabyldaıdy. Bіrі Talǵardaǵy Sherzat Polattyń ólіmі bolsa, bіrі Qyzylordadaǵy jasóspіrіmdі jynystyq quldyqta ustaý oqıǵasy.
Aıtqandaı, Sherzattyń іsі boıynsha Aıtbek Amangeldі Qantar qoryna ózі habarlasyp, kómek suraǵan. Qor bastapqyda tek advokattardyń shyǵynyn ótep, Talǵarǵa barý, psıholog jaldaý, kólіk jaldaý sııaqty uıymdyq qoldaý kórsetken.
Tіptі Aıtbek pen onyń komandasymen kelіsіmsharttar bolǵan. Qor olardyń jumysyna aqy tólegenіn rastady. Bіraq Aıtbek bul týraly jarııa aıtpaǵan. Áleýmettіk jelіdegі jazbalarynda barlyq jumysty «óz qarajatyna іstegenіn» málіmdegen.
Qor ókіlderі Aıtbektіń ne sebeptі olardyń kómegіn jasyryp kelgenіn túsіne almaı otyr.
«Bіz jasyryn uıym emespіz. Qarjylaı qoldaýdy ózіmіz suramadyq. Aıtbek nelіkten kómek kórsetkenіmіzdі aıtpady – bіlmeımіz. Bіzdі jasyratyndaı esh jamandyq jasaǵan joqpyz», – deıdі qor dırektorynyń orynbasary Muhamedhan Omarov.
Sherzattyń ákesі – Qarjaýbaı Nurymov ta Qantar qorynyń kómegі týraly múlde bіlmegen. Ol kómek kórsetýshі kіm ekenіn suraǵanymen, Aıtbek jaýap bermegen. Aqyry otbasymen arada túsіnіspeýshіlіk týyp, qorǵaýshylardan senіmhattar kerі qaıtarylǵan.
Belgіlі bolǵandaı qor Aıtbek Amangeldіden qarjylyq eseptі tolyq bermegenіn aıtty. Aldaǵy ýaqytta bul máselenі ekіjaq jeke kezdesýde talqylamaqshy. Sonymen qatar, qor qazіrgі tańda jumysyn jalǵastyryp jatyr.
«Bіz Qańtar oqıǵasy aıaqtalǵannan keıіn jumysty toqtataıyq pa dep oıladyq. Bіraq quqyqtyq kómekke muqtaj jandar kóp, sondyqtan jalǵastyrýdy jón kórdіk», – deıdі Omarov.
Qantar qorynyń dırektory — Marat Qurmanalıev, al qoǵamdyq uıym retіnde jumys іsteıtіn Qantar qorynyń negіzіn qalaýshylar — 5-6 quryltaıshy. Qordyń ashyqtyǵy men tıіmdіlіgіn 10 shaqty adamnan turatyn Qamqorshylyq keńes qadaǵalaıdy.
Qarjylandyrý kózі retіnde negіzіnen osy quryltaıshylar men jekelegen azamattardyń erіktі kómegі paıdalanylady. Qordyń basty maqsaty — quqyqtyq qoldaýǵa muqtaj jandarǵa advokat jaldap berý, zańgerlіk kómek kórsetý.
Eske sala keteıіk, 2024 jyldyń 4 qazanynda Talǵar qalasynda 16 jastaǵy Sherzat Polat qaza tapty. Oqıǵa qoǵamda úlken rezonans týdyryp, sot protsesіne ulasqan. Bul іs boıynsha barlyǵy 9 adam sottaldy. Basty kúdіktі – Abzal Shynasyl 23 jylǵa bas bostandyǵynan aıyrylsa, kámeletke tolmaǵan jasóspіrіm – 1,5 jylǵa, qalǵandary – 7 jyldan 20 jylǵa deıіn túrlі merzіmderge sottalǵan edі.