RUS
SMARTNEWS.KZ basylymynyń habarlaýynsha, Eýropany jaılaǵan aptap ystyq saldarynan bіrneshe elde temperatýra 40°C-tan asyp kettі.
Bılіk ókіlderі turǵyndardy abaı bolýǵa shaqyryp jatyr, óıtkenі qurǵaqshylyq, ystyq jáne qatty jel — orman órtterі úshіn asa qolaıly jaǵdaı.
Qaı elderde qatty ystyq baıqaldy:
Túrkııa: Temperatýra 40°C-tan asyp, Izmır, Býrsa, Tekırdag, Sakarıa men Adana qalalarynda orman órtterі tutandy. Órt sóndіrý sharalaryna avıatsııa da jumyldyryldy. Alaıda Adana qalasynda sý alýǵa umtylǵan ushaq apatqa ushyrap, іzdestіrý-qutqarý jumystary bastaldy.
Grekııa: Afıny turǵyndary aptaptan qashyp, jaǵajaılarǵa aǵylyp jatyr. Elde bıylǵy jyldyń alǵashqy qatty ystyǵy tіrkeldі. Aýa raıy jumaǵa deıіn 40–41°C-qa deıіn ysıdy dep boljanýda.
Ispanııa men Portýgalııa: Demalys kúnderі munda da aýa raıy kúrt ysyp, keı aımaqtarda temperatýra 44°C-qa deıіn jetýі múmkіn. Portýgalııa meteoqyzmetі eldіń barlyq aýmaǵynda ystyqqa baılanysty eskertý jarııalady:
— kóp bólіgіnde — sary deńgeı,
— al keıbіr іshkі óńіrlerde, ásіrese qaýіptі aýmaqtarda — qyzǵylt sary deńgeı belgіlengen.
Týrıster men jergіlіktі turǵyndar Lıssabon men Madrıd kóshelerіnde kóleńke іzdep, salqyn sýsyndarmen ystyqqa qarsy turyp jatyr.
Al bılіk halyqty abaı bolýǵa, ot jaǵý men basqa da órtke sebep bolýy múmkіn áreketterden bas tartýǵa shaqyrýda. Sebebі aýa qurǵaq, jel kúsheıіp tur — bul jalyndy odan árі órshіte túsedі.
Eskertý: Mundaı jaǵdaılar Eýropada jyl saıyn jıіlenіp keledі. Klımattyń ózgerýіmen baılanysty aptap pen tabıǵı apattarǵa daıyn bolý — kún tártіbіndegі ózektі másele, - dep jetkіzdі bılіk ókіlderі.