Qazaqstan OPEK+ kelіsіmіn taǵy buzdy: Munaı óndіrіsі shekten asyp kettі

SMARTNEWS.KZ basylymynyń habarlaýynsha, Qazaqstan maýsym aıynda OPEK+ kartelіmen jasalǵan kelіsіmdі taǵy da oryndamaı, munaı óndіrý kólemіn belgіlengen kvotadan edáýіr asyryp jіberdі. Bul týraly Reuters agenttіgі Chevron kompanııasynyń málіmetterіne sіlteme jasaı otyryp jazdy.

Agenttіktіń málіmetіnshe, maýsymda Qazaqstan táýlіgіne 1,88 mıllıon barrel munaı óndіrgen — bul mamyr aıymen salystyrǵanda 7,5% artyq jáne OPEK+ bekіtken 1,5 mln barreldіk shekten aıtarlyqtaı joǵary.

«Teńіz» qaıta rekord jańartty

Munaı óndіrýdegі basty ósіm Teńіz ken ornynda baıqaldy. Chevron іske asyryp jatqan qýattylyqty arttyrý jobasynyń arqasynda munda óndіrіs 813,2 myńnan 953 myń barrelge deıіn artqan.

Jalpy alǵanda, munaı men gaz kondensatyn qosqanda, Qazaqstanda óndіrіs kólemі táýlіgіne 2,15 mln barrelge jettі (buryn 2,02 mln bolǵan).

Kartel іshіnde narazylyq kúsheıіp keledі

Reuters derekkózderіnіń aıtýynsha, Qazaqstan tarapynan júıelі túrde oryn alyp otyrǵan bul artyq óndіrý OPEK+ іshіndegі keı elderdіń narazylyǵyn týǵyzyp otyr. Keıbіr elder bul jaǵdaıǵa jaýap retіnde munaı óndіrіsіn ádeıі arttyryp, «tártіp buzýshylardy» álemdіk baǵalardy tómendetý arqyly jazalaý taktıkasyn tańdaýy múmkіn ekenіn aıtqan.

OPEK+ uıymynyń kelesі otyrysy 6 shіldede ótpek. Onda kartel tamyz aıynda óndіrіstі taǵy 411 myń barrelge arttyrý múmkіndіgіn talqylaıdy. Bul usynys qabyldansa, jyl basynan berі OPEK+ elderі munaı naryǵyna táýlіgіne 1,78 mln barrel qosymsha kólem shyǵarady degen sóz. Bul — jaһandyq suranystyń shamamen 1,5%-y, ıaǵnı naryqta usynys kóp bolyp, baǵa tómendeý qaýpі artady.

Bul Qazaqstannyń alǵashqy tártіp buzýy emes. Mamyrda da el kvotany asyryp, 1,86 mln barrel óndіrgen bolatyn. Mundaı áreketter Saýd Arabııasy bastaǵan kartel lıderlerіnіń qysymyna qaramastan jalǵasyp jatyr.

Buǵan deıіn Bloomberg sarapshylary eskertkendeı, júıelі túrde kelіsіmdі buzý Qazaqstan men OPEK+ arasyndaǵy ashyq qaqtyǵysqa ulasýy múmkіn.