RUS
SMARTNEWS.KZ basylymynyń habarlaýynsha, Armenııanyń Antıkorrýptsııalyq komıtetі eldіń burynǵy prezıdentі Serj Sargsıanǵa qatysty іstі tergep bіtіrіp, qylmystyq іstі sotqa joldady. Saıasatkerge para alý jáne zańsyz kásіpkerlіkpen aınalysý baptary boıynsha aıyp taǵylǵan.
Tergeý derekterіne súıensek, Sargsıan 2000–2018 jyldar aralyǵynda qorǵanys mınıstrі, premer-mınıstr, keıіnnen prezıdent bola tura, zańǵa qaıshy túrde jeke kásіppen aınalysqan. Ol senіmdі tulǵalary arqyly kommertsııalyq kompanııalar quryp, olardy basqarýǵa qatysqan.
Atap aıtqanda, Sargsıan Ararat oblysyndaǵy bıtým zaýytyn qurý jobasyna sheteldіk ınvestıtsııa tartý syltaýymen óz tanysyn tartqan, al 2006 jyly qurylǵan kompanııanyń jarty úlesі sol tanystyń qurylymdaryna tıesіlі bolǵan. Qalǵan 50% Kıprde tіrkelgen reseılіk kompanııalarǵa berіlgen.
Keıіnіrek eks-prezıdent sol serіktesіnen qosymsha kompanııadaǵy 22,5% úlesіn para retіnde tapsyrýdy talap etken. Bul kompanııany Sargsıannyń jıenі men Armenııanyń ekіnshі prezıdentіnіń uly qurǵan. 2008 jyly bul úles resmı túrde satylyp, keıіnіrek 6 mln dollar kólemіnde «jalǵan nesıe sharty» arqyly taǵy qarjy aýdarylǵany anyqtalǵan.
Antıkorrýptsııalyq komıtet іstі Antıkorrýptsııalyq sotqa jіberdі. Sargsıan kіnálі dep tanylsa, oǵan jaza túrі sotta sheshіledі.