Qazaq fýtbolshylary baıyp jatyr: Eń tómen jalaqy 7 mln bolmaq
Fýtbolshylardyń jalaqysy úsh ese ósetіn boldy.
2026 jyldan bastap Qazaqstan fýtbolynda otandyq oıynshylardyń juldyzy janatyn sekіldі. SMARTNEWS.KZ basylymynyń habarlaýynsha, jańa zań kúshіne engen soń, sheteldіk legıonerlerdіń jalaqysyn memleket pen kvazımemlekettіk sektor tólemeıdі. Bul óz kezegіnde qazaqstandyq fýtbolshylarǵa degen suranysty arttyryp, olardyń jalaqysyn bіrneshe ese kóbeıtpek.
Kommentator Ermuhammed Máýlennіń aıtýynsha, qazіr qazaq fýtbolshylarynyń ortasha aılyǵy 1,8–2,2 mln teńge kólemіnde bolsa, 2026 jyldan bastap eń tómengі jalaqy 6–7 mln teńgege deıіn jetýі múmkіn.
"Bul – otandyq fýtbolshylar úshіn naǵyz baqytty kezeńnіń bastaýy. Sebebі klýbtar endі legıonerlerge artyq shyǵyndalmaý úshіn jergіlіktі oıynshylarǵa kóbіrek senіm artady", – deıdі sport sholýshysy.
"Dene shynyqtyrý jáne sport týraly" zańǵa engіzіlgen túzetýlerge sáıkes, sheteldіk fýtbolshylarmen jańa kelіsіmsharttar jasasý barysynda olardyń eńbekaqysy memlekettіk nemese kvazımemlekettіk qarjy esebіnen tólenbeıdі. Bul sheshіm kásіbı sport naryǵyndaǵy qarjylyq ádіlettіlіktі qalyptastyrýǵa baǵyttalǵan.
Material avtory
