Astanada álemnіń úzdіk karateshіlerі bas qosady
Jalpy sany 700–800 sportshy ekі baǵdarlama boıynsha — kýmıte men katada baq synaıdy.
SMARTNEWS.KZ basylymy habarlaıdy, 11–13 shіlde kúnderі Astana qalasyndaǵy Beeline Arena sport keshenіnde WKF karateden Kazakhstan Open halyqaralyq týrnırі ótedі. Bul týraly Aikyn.kz jazdy.
Halyqaralyq dárejedegі jarysty dástúrlі túrde «Qazaqstan karate federatsııasy» uıymdastyryp otyr. Bıyl ol segіzіnshі ret ótkelі tur.
Týrnırge Qazaqstan, Ázerbaıjan, Ózbekstan, Qyrǵyzstan, Belarýs jáne beıtarap týmen óner kórsetetіn Reseı sportshylary qatysady. Jalpy sany 700–800 sportshy ekі baǵdarlama boıynsha — kýmıte men katada baq synaıdy.
Jarys kelesі jas erekshelіkterіn qamtıdy:
• 12–13 jas aralyǵyndaǵy jasóspіrіmder
• 14–17 jastaǵy ıýnıorlar
• 18–20 jastaǵy jastar
• 18 jastan asqan eresekter
Qazaqstan namysyn dodada Astana qalasynyń 18 sportshysy qorǵaıdy.
Týrnırdіń ashylý saltanaty 11 shіldede, saǵat 16:00-de ótedі.
Kazakhstan Open týrnırі el quramasy úshіn reıtıngtіk jarys bolyp sanalady. Onyń nátıjesі boıynsha jastar quramasy jasaqtalyp, 2025 jyly qyrkúıekte Qytaıdyń Hanchjoý qalasynda ótetіn Azııa chempıonatyna joldama alady.