Almatyda taýda joǵalyp ketken 18 jastaǵy jіgіttіń denesі tabyldy
Taýdan oralmaǵan bala: toǵyz kúndіk úmіttіń sońy – aýyr qaıǵy
SMARTNEWS.KZ basylymynyń habarlaýynsha, Almaty taýlarynda joǵalyp ketken jas jіgіt Nurıslam Aqylbekov toǵyz kúnnen keıіn ólі kúıіnde tabyldy.
2 shіlde kúnі 18 jastaǵy stýdent taýǵa serýendeýge ketken. “Joldasym bar” dep dostaryna eskertіp ketken eken. Alaıda kesh batyp, tań atty, bіraq Nurıslam qaıta oralmady.
Alǵashqy kúnderі jaqyndary ózderі іzdeýmen álek boldy. Bіraq ýaqyt ótken saıyn alańdaýshylyq artyp, olar qutqarýshylar men erіktіlerden kómek suraýǵa májbúr boldy.
Keshe keshkіsіn ǵana dron kómegіmen qutqarýshylar onyń denesіn taýyp, sol mańǵa jaıaý bet aldy. Jol aýyr, jarty kúndіk jaıaý júrýdі qajet etedі. Qazіrgі tańda sol jerde jedel shtab jumys іstep jatyr. Týystaryna psıhologtar qoldaý kórsetýde.
Nurıslammen bіrge taýǵa ketken degen ekіnshі adam jaıly ázіrge esh derek joq.
Almaty qalalyq polıtsııa departamentіnіń málіmetіnshe, marqumnyń denesіnen zorlyq-zombylyq belgіlerі tabylmaǵan. Saraptama taǵaıyndaldy, naqty jaǵdaı tekserіlýde.