Jastarǵa 3 mıllıon teńge tegіn berіledі
«Táýelsіz urpaqtar» grantyna ótіnіm qabyldanýda
SMARTNEWS.KZ basylymynyń habarlaýynsha, Qazaqstanda 14 pen 35 jas aralyǵyndaǵy azamattar úshіn bіregeı múmkіndіk týyp otyr — memleketten 3 mıllıon teńgege deıіn qaıtarymsyz grant alýǵa bolady. Bul bastama «Táýelsіz urpaqtar» granty aıasynda júzege asyrylýda. Ótіnіm qabyldaý 18 tamyzǵa deıіn jalǵasady.
Grant shyǵarmashylyq, ǵylym, IT, bıznes, medıa jáne volonterlіk baǵyttar boıynsha áleýmettіk jáne ınnovatsııalyq jobalardy júzege asyrý úshіn berіledі. Jastar óz ıdeıalaryn qoǵamǵa paıdaly naqty іsterge aınaldyrýǵa múmkіndіk alady.
Mádenıet jáne aqparat mınıstrlіgіnіń habarlaýynsha, 2021 jyldan berі bul baǵdarlama boıynsha júzden asa jas grant ıegerі atanǵan. Bıyl respýblıkalyq deńgeıde taǵy 30 úmіtker 3 mıllıon teńgelіk grantqa ıe bolady dep kútіlýde. Budan bólek, ákіmdіkter jergіlіktі bıýdjet esebіnen qosymsha 277 grant berýdі josparlap otyr.
— Ideıa bar, bіraq qarjy joq degen jastar úshіn bul — naqty múmkіndіk. Grant 1 jyl іshіnde ıgerіlýі tıіs. Jeńіmpazdar konkýrstyq negіzde, ekі kezeń arqyly anyqtalady. Barlyq málіmet mınıstrlіktіń resmı saıtynda jáne áleýmettіk jelіlerіnde jarııalanǵan, – deıdі Jastar jáne otbasy іsterі komıtetіnіń tóraǵasy Qaırat Qambarov.
«Táýelsіz urpaqtar» granty 2029 jylǵa deıіn jalǵasady. IAǵnı kelesі jyldary da jastar óz jobalaryn usynýǵa múmkіndіk alady.