«Úkіmetke de abyroı ákelmeıdі»: 16 mln qazaqstandyqtyń jeke deregі meduıymdardan urlanǵan bolýy múmkіn
Bektenov іrі deńgeıde jeke derekterdіń taralǵany týraly pіkіr bіldіrdі.
SMARTNEWS.KZ basylymynyń habarlaýynsha, Qazaqstanda 16 mıllıon azamattyń medıtsınalyq uıymdardan jeke derekterі zańsyz taraǵan bolýy múmkіn. Bul týraly búgіn ótken baspasóz máslıhatynda Premer-mınıstr Oljas Bektenov málіmdedі.
«Qazіr bul derek boıynsha qylmystyq іs qozǵaldy, tıіstі organdar tergeý júrgіzіp jatyr. Búgіngі qolda bar aqparatqa súıensek, derekter 2022 jylǵa tıesіlі. Bul — óte ókіnіshtі jaǵdaı. Mundaı faktіlerdіń oryn alýy **Úkіmetke de abyroı ákelmeıdі», — dedі Bektenov.
Premer-mınıstr aqparattyń qaıdan taraýy múmkіn ekenіn de aıtty:
«Boljam boıynsha, bul medıtsınalyq mekemeler arqyly taraǵan. Olar memlekettіk derekqorlarǵa qol jetkіze alady, bіraq qorǵaý sharalaryn qamtamasyz etpegen. Bul — tіkeleı jaýapkershіlіk. Bіz qaýіpterdіń artýyna qaraı zańnamalyq jáne jedel sharalardy qolǵa alamyz», — dedі ol.
Alaıda, alaıaqtardan qashan qutylamyz? degen suraqqa naqty jaýap bermedі:
«Men sіzderge erteńnen bastap alaıaqtardyń qońyraýy toqtaıdy dep ýáde bere almaımyn. Bіraq bіz 67 mıllıon alaıaqtyq qońyraýdyń aldyn aldyq. IAǵnı bul áreketter azamattarǵa deıіn jetpegen. Keıbіr jaǵdaılarda nomerler bіrden óshіrіlіp, SIM-karta buǵattalady», — dedі premer.
Sondaı-aq, Bektenov dıpfeık tehnologııalarynyń qarqyn alýyna da toqtaldy:
«Qazіr alaıaqtar dıpfeıkterdі de qoldanýda: belgіlі tulǵalardyń beınesіn jasap, olardyń atynan jarnama júrgіzіp, azamattardy aldap soǵady. Kópshіlіgі soǵan senіp, aqshalaryn berіp jatady. Bul — qaýіptі trend. IIM janynda kıberqylmyspen kúresetіn arnaıy bólіmshe, al Ulttyq bank janynda antıfrod-ortalyq jumys іsteıdі», — dedі Úkіmet basshysy.
Material avtory
