Qylmystyq top múgedekterdіń atyna jalǵan kólіk rásіmdep, 250 mln teńge nesıe alǵan
Qaskóıler múgedektіgі bar 65 adamnyń moınyna nesıe іlgen bop shyqty.
SMARTNEWS.KZ basylymynyń habarlaýynsha, Qarjylyq alaıaqtyqtyń jańa shemasy áshkere boldy. Tergeý organdary jalǵan avtokólіk arqyly nesıe alyp, qaryzdy áleýmettіk álsіz toptarǵa «іlgen» qylmystyq toptyń іs-áreketіn áshkereledі.
Genprokýratýra málіmetіnshe, kúdіktіler jumyssyz júrgen azamattar men múgedektіgі bar adamdardy arbaı otyryp, bankke jalǵan qujattarmen ótіnіsh tapsyrǵan. Osylaısha, olardyń atyna joq kólіkter úshіn avtonesıeler rásіmdelіp otyrǵan.
«Nátıjesіnde 65 adam zardap shektі. Keltіrіlgen zalal kólemі 250 mıllıon teńgeden asty. Aqshany alaıaqtar óz qajetіne jumsap, al nesıeler sol beıkúná azamattardyń moınyna іlіndі», — dep habarlady Bas prokýratýra.
Qylmystyq toptyń múshelerіne QR QK-nіń 190-baby («Alaıaqtyq») jáne 262-baby («Qylmystyq top qurý jáne oǵan qatysý») boıynsha aıyp taǵylyp otyr. Barlyq kúdіktіler qamaýǵa alynǵan, іs materıaldary sotqa joldandy.
Aıta keteıіk, buǵan deıіn sarapshylar elіmіzde avtokólіk saýdasy salasyndaǵy alaıaqtyq shemalar sany kúrt artqanyn eskertken edі. Olardyń іshіnde jalǵan jarnama, jasyryn kepіldіkter jáne kólіktі bóten adamnyń atyna rásіmdeý sekіldі tásіlder jıі kezdesedі.
Material avtory
