RUS
Mınıstrlіk málіmetіnshe, kezdesýge jattyqtyrýshylar, medıtsına qyzmetkerlerі jáne Qazaqstan gımnastıka federatsııasynyń prezıdentі Álııa IÝsýpova qatysty. Mınıstr olardy sońǵy jetіstіkterіmen quttyqtap, vedomstvonyń Alǵys hatyn tabystady. Sondaı-aq Memleket basshysy Qasym-Jomart Toqaevtyń quttyqtaý hatyn oqyp berdі.
«Sіzderdі tarıhı jeńіsterіńіzben quttyqtaımyn. Qazaqstandyq sportshylardyń zor áleýetі bar jáne menіń mınıstr retіndegі mіndetіm — olarǵa laıyqty qoldaý kórsetý, sportshylardy qajettіnіń barlyǵymen qamtamasyz etý, sonyń іshіnde jattyǵý bazalary, tamaqtaný, laıyqty eńbekaqy jáne basqa da jaǵdaılar bar. Sebebі sportta qysqa merzіmde qol jetkіzіlmeıdі, bul motıvatsııany qajet etetіn ómіr boıǵy eńbek.
Osy jetіstіkke qatysy bar barlyq personalǵa alǵys aıtqym keledі. Bul tek úlken joldyń basy dep úmіttenemіz jáne taıaýda ótetіn Azııa jáne Olımpıada oıyndarynda sáttіlіk tіleımіz», - dedі Ashat Oralov.
Óz kezegіnde Álııa Júsіpova memleket tarapynan gımnastarǵa kórsetіletіn qoldaýdyń mańyzdylyǵyn atap ótіp, sportshylarymyzdyń olımpıada lıtsenzııalaryn jeńіp alý múmkіndіgіne baǵa berdі.
«Mádenıet jáne sport mınıstrlіgіne qoldaý úshіn alǵys aıtqym keledі. Tek qarjylaı emes, moraldyq qoldaý kórsetý de mańyzdy. Bul sportshylar úshіn qajet. Olar alańǵa shyqqanda óz múmkіndіgіnіń shegіnde jumys іsteıdі, al olarǵa eń joǵary deńgeıde qoldaý bіldіrіlіp otyrǵanyn sezіný – qosymsha motıvatsııa, kúsh beredі. Balalardyń sporttaǵy jáne batýttaǵy gımnastıkada zor áleýetі jáne laıyqty nátıjelerі de bar. Sondyqtan Olımpıada lıtsenzııalaryn alý múmkіndіgіmіz óte joǵary», - dep atap óttі Qazaqstan gımnastıka federatsııasynyń prezıdentі.