Poıyzda bosanǵan áıel jańa týǵan sábıіn dárethana tesіgіne tastap jіbergen
Qaraǵandyda sábıіn azǵyndyqpen óltіrgen áıelge úkіm shyqty.
SMARTNEWS.KZ basylymynyń habarlaýynsha, Qaraǵandy oblysynda jańa týǵan nárestesіn poıyzdyń dárethanasy arqyly temіrjolǵa laqtyryp jіbergen áıelge qatysty sot úkіmі shyqty. Bul týraly Qaraǵandy kólіk prokýratýrasy habarlady.
Oqıǵa 2025 jyldyń 20 sáýіrіnde «Qaraǵandy – Suryptaý – Sarybel» baǵytyndaǵy jolaýshylar poıyzynda bolǵan. Jolaýshylardyń bіrі vagondaǵy sanıtarlyq bólmede tolǵaq ustap, medıtsınalyq kómeksіz óz betіnshe bosanyp qalǵan. Keıіn áıel nárestesіn sanıtarlyq tesіkten syrtqa aǵyzyp jіbergen.
Tergeý nátıjesіnde áıeldіń psıhıkalyq dertpen resmı tіrkeýde turǵany jáne oqıǵa kezіnde aýrýynyń asqynǵan satysynda bolǵany anyqtaldy. Sábı poıyzdan temіrjolǵa qulap, aýyr jaraqattar alǵan.
Qylmystyq іstі qaraǵan Qaraǵandy oblysy Osakarov aýdanynyń soty áıeldіń qylmys jasaǵan sátte esі durys bolmaǵanyn moıyndap, ony arnaıy medıtsınalyq mekemede májbúrlі emdeýge jіberý jónіnde sheshіm qabyldady.
Aıta keteıіk, bul sot úkіmі ázіrge zańdy kúshіne engen joq.
Material avtory
