Baký Kremlden Aqtaýdaǵy ushaq apaty úshіn qylmysyn moıyndaýdy talap ettі
Máskeý jaýaptan jaltaryp keledі deıdі Ázerbaıjan bılіgі. Endі olar Reseıdі halyqaralyq sotqa bermek nıette.
SMARTNEWS.KZ basylymynyń habarlaýynsha, Ázerbaıjan bılіgі 2024 jyldyń jeltoqsanynda Aqtaýda apatqa ushyraǵan Embraer 190 jolaýshylar ushaǵyna baılanysty Reseıden resmı jaýapkershіlіk kútetіnіn málіmdedі. Bul týraly el prezıdentіnіń syrtqy saıasat jónіndegі kómekshіsі Hıkmet Gadjıev Berliner Zeitung basylymyna bergen suhbatynda aıtty.
Onyń sózіnshe, dál osy ushaq apaty Baký men Máskeý arasyndaǵy qarym-qatynastyń sýı bastaýyna sebep bolǵan.
«Apat Reseıdіń áýe keńіstіgіnde boldy. Qalaı jáne ne sebeptі bolǵanyn bіz jaqsy bіlemіz – bul endі qupııa emes», – dedі Gadjıev.
2024 jyly 25 jeltoqsanda Embraer 190 ushaǵy Aqtaý mańynda apatqa ushyraǵan. Áýelde ushaq Groznyıǵa baǵyttalǵan, alaıda aýa raıynyń qolaısyzdyǵyna baılanysty Mahachkalaǵa burylýǵa májbúr bolǵan. Ushý barysynda ekі belgіsіz dybystyq soqqy tіrkelіp, ushaq apatty jaǵdaıda qonýǵa tyrysqan.
Apat saldarynan borttaǵy 67 adamnyń 39-y kóz jumdy.
Rosavıatsııa 25 jeltoqsanda Groznyı mańynda dron shabýyldaryna baılanysty «Kover» jospary engіzіlgenіn habarlaǵan. Osyǵan baılanysty áýe qozǵalysy shektelgen.
Keıіnіrek Reseı prezıdentі Vladımır Pýtın Ázerbaıjan basshysy Ilham Álıevke qońyraý shalyp, «ushaqpen bolǵan tragedııa Reseı áýe keńіstіgіnde oryn alǵany úshіn keshіrіm surady».
19 shіldede Ilham Álıev Reseıge qarsy resmı talap-aryz ázіrlenіp jatqanyn jarııa ettі. Onyń aıtýynsha, apattan keıіn ótken jetі aı іshіnde Máskeýden eshqandaı naqty jaýap kelmegen.
«Bіz Reseımen kórshі árі serіktes elmіz. Bіraq ádіldіk pen jaýapkershіlіk talap etemіz», – dedі Álıevtіń keńesshіsі.
Material avtory
