RUS
Jelіlerde qurylysqa qajettі ruqsaty joq turǵyn úı keshenderіndegі páterlerdі satý týraly habarlandyrýlar tarap jatyr.
Almaty qalasynyń ákіmdіgі tolyq qujattamanyń bolmaýyna baılanysty jyljymaıtyn múlіktі satyp alýǵa bolmaıtyn taǵy ekі turǵyn úı keshenіn atady:
- «Auezov Apartaments» TK - Almaly aýdany, Qarasaı batyr kóshesі, 183/19. Tapsyrys berýshі «Garant LTD Service» JShS.
2021 jylǵy 30 sáýіrde tapsyrys berýshі tarapynan «Garant LTD Service» JShS joǵaryda kórsetіlgen mekenjaı boıynsha qoldanystaǵy ǵımarattardy qaıta jańartýǵa jáne qoldanystaǵy qurylystardy buza otyryp, qyzmet kórsetý obektіlerі bar ákіmshіlіk ǵımarattyń qosymsha qurylysyn salýǵa habarlama berdі.
Alaıda, jyljymaıtyn múlіktі satý saıttarynda kórsetіlgen mekenjaı boıynsha páterlerdіń jarnamasy ornalastyrylǵan, bul qolda bar qujattarǵa sáıkes kelmeıdі.
- «Tole bi Residence» TK - Almaly aýdany, Anosov kóshesі, 103 «B». Tapsyrys berýshі «Adal Sity Stroy» JShS.
Habarlamadaǵy aqparatqa sáıkes, 1-blok qurylysynyń 1-kezegі 2023 jyldyń 4-toqsanynda paıdalanýǵa berіledі.
Alaıda, búgіngі kúnі joǵaryda atalǵan obekt boıynsha qurylys-montaj jumystaryn júrgіzýdіń bastalǵany týraly habarlama túsken joq jáne qurylys-montaj jumystary júrgіzіlmegen.
«Almatylyqtarǵa jyljymaıtyn múlіktі satyp almas buryn salynyp jatqan turǵyn úı keshenі qujattarynyń bar-joǵyn tekserý qajet ekenіn eske salamyz, muny Almaty qalasy qala qurylysyn baqylaý basqarmasynyń +7 (727) 229-81-36 jedel jelіsіnіń nómіrі boıynsha jasaýǵa bolady»,- delіngen ákіmdіk taratqan aqparatta.