RUS
Jalpy boljam boıynsha, elіmіzdіń soltústіgіndegі astyqty óńіrler úshіn qazіrgі jaǵdaı qolaıly bolmaq.
"Alaıda, Qazaqstannyń batysynda, ortalyq jáne shyǵys bólіgіnde sáýіr aıynda jaýyn-shashyn tapshylyǵy bolýy múmkіn. Bul bastapqy kezeńde aýylsharýashylyq daqyldarynyń ósýі men damýyna kerі áserіn tıgіzýі múmkіn", - "Qazgıdromet" RMK.
Sınoptıkterdіń esepteýlerі kórsetkendeı, kóktemgі dala jumystaryna deıіn Qazaqstan aýmaǵyndaǵy egіs alqaptarynyń ylǵalmen qamtamasyz etіlýі boljandy:
- ońtaıly deńgeıden qanaǵattanarlyq deńgeıge deıіn – Abaı, Shyǵys Qazaqstan, Jambyl jáne Almaty oblystarynda;
- qanaǵattanarlyq – Batys Qazaqstan, Aqtóbe, Qaraǵandy, Aqmola, Qostanaı, Pavlodar jáne Soltústіk Qazaqstan oblystarynda;
- ońtaıly – Jetіsý jáne Túrkіstan oblystarynda.
"Kóktemgі dala jumystarynyń bastalýyna qaraı topyraqtaǵy ylǵal qorynyń sońǵy boljamy shamamen 25 sáýіrde ázіrlenedі", - "Qazgıdromet" RMK
Kóktemgі dala jumysy kezіndegі ylǵal qory týraly derekter egіs alqaptarynyń qurylymyn anyqtaýda, aýyl sharýashylyǵy daqyldarynyń egіsterіnіń ońtaıly normalaryn anyqtaýda, tuqym sebý jáne tyńaıtý tereńdіgіn tańdaýda mańyzdy ról atqarady. Bul túptep kelgende jalpy ónіmnіń sapasy men shyǵymyna áser etedі.