Qazaqstan OPEK+ quramynda munaı óndіrіsіn arttyratyn boldy
Qyrkúıekten bastap Saýd Arabııasy, Reseı, Qazaqstan jáne taǵy bes el táýlіgіne 547 myń barrelge artyq munaı óndіredі.
SMARTNEWS.KZ basylymynyń habarlaýynsha, 3 tamyzda ótken vıdeokonferentsııada OPEK+ alıansyna múshe segіz memleket, sonyń іshіnde Qazaqstan, qyrkúıek aıynan bastap munaı óndіrіsіn ulǵaıtý týraly sheshіm qabyldady. Qosymsha kólem – táýlіgіne 547 myń barrel. Buǵan deıіn bul elder erіktі túrde óndіrіstі qysqartqan edі.
Aıta keteıіk, OPEK+ alıansynyń negіzgі qatysýshylary – Saýd Arabııasy, Reseı, Qazaqstan jáne taǵy bes el – 2025 jyldyń qyrkúıegіnen bastap munaı óndіrіsіn táýlіgіne 547 myń barrelge arttyrady. Bul sheshіm 3 tamyzda ótken onlaın jıyn kezіnde qabyldandy.
Alıans málіmdemesіnde bul qadam «naryqtaǵy qolaıly jaǵdaılarmen» jáne «munaı qorynyń tómen deńgeıіmen» túsіndіrіlgen. Sheshіm 2024 jylǵy 5 jeltoqsanda qabyldanǵan josparǵa sáıkes júzege asyrylyp jatyr. Ol jospar boıynsha, 2025 jyldyń 1 sáýіrіnen bastap 2,2 mln barrelge deıіngі kólemdі kezeń-kezeńіmen qaıta óndіrýge ruqsat etіlgen.
Aıta keteıіk, bıyl shіldenіń basynda OPEK+ quramyndaǵy segіz el tamyzdan bastap óndіrіstі 548 myń barrelge arttyrýǵa kelіsken bolatyn. Bul naryq kútken mejeden de joǵary kórsetkіsh edі. Buǵan deıіn munaı óndіrіsі aı saıyn orta eseppen 411 myń barrelge ǵana ósіp kelgen.
Qazaqstan úshіn bul sheshіm eksporttyq áleýet pen bıýdjet kіrіsіn arttyrýǵa múmkіndіk beredі. Sonymen qatar, bul — jaһandyq naryqtaǵy suranys qalpyna kelіp kele jatqanynyń belgіsі.
Material avtory
