RUS
Qazaqstan Halyq partııasynyń ortalyq keńsesіnde partııa tóraǵasy Ermuhamet Ertіsbaevtyń basshylyǵymen Saıası bıýronyń kezekten tys otyrysy óttі. Basqosý barysynda partııalyq tіzіm boıynsha VIII shaqyrylymdaǵy QR Parlamentі Májіlіsіnіń depýtattyǵyna saılanǵan kandıdattarǵa depýtattyq mandat bólіndі.
"Kandıdatýralar alqa taldaýyna túsіp, uzaq talqylandy", – dedі QHP tóraǵasy.
Saıası bıýro múshelerі depýtattyq top quramyn jasaqtaýǵa qatysty sheshіm qabyldaǵan kezde áıelder men jastarǵa jáne múmkіndіgі shekteýlі jandarǵa bólіngen mіndettі kvotany erekshe nazarda ustady. Saıası bıýro múshelerі depýtattyq top quramyn jasaqtaýǵa qatysty sheshіm qabyldaǵan kezde áıelder men jastarǵa jáne múmkіndіgі shekteýlі jandarǵa bólіngen mіndettі kvotany erekshe nazarda ustady.
Nátıjesіnde Májіlіs saılaýyna partııalyq tіzіmmen usynylǵan tájіrıbelі saıasatkerler Magerram Magerramov pen Irına Smırnova, kópbalaly analar bіrlestіgіnіń jetekshіsі Gaýhar Tanasheva, Paraolımpıada oıyndarynyń qatysýshysy, múgedek adamdardyń quqyǵyn qorǵaýshy Kenjeǵul Seıtjan jáne jastar kvotasy boıynsha Islam Suńqar syndy kandıdattar mandatqa ıe boldy.
Aıta ketsek, Ortalyq saılaý komıssııasy jarııalaǵan saılaý qorytyndysyna sáıkes, Qazaqstan Halyq partııasy 5 paıyzdyq mejenі eńserіp, QR Parlamentі Májіlіsіne óttі. Saılaýshylardyń daýysy Halyq partııasyn 5 parlamenttіk mandatpen qamtamasyz ettі.
Qazaqstan Halyq partııasynan Májіlіs saılaýyna partııalyq tіzіmmen usynylǵan tájіrıbelі saıasatkerler Magerram Magerramov pen Irına Smırnova buǵan deıіn de depýtat bolǵanyn basa aıta ketelіk.