Jerde sońǵy ekі aıdaǵy eń kúshtі magnıttіk daýyl kútіlýde
Ǵalymdar Jerde aldaǵy táýlіkte qýatty magnıttіk daýyl bolatynyn eskerttі.
SMARTNEWS.KZ basylymynyń habarlaýynsha, daýyl sońǵy ekі aıdaǵy eń aýqymdy geomagnıttіk qubylys bolmaq. Mamandardyń aıtýynsha, buǵan kúndegі іrі jarylys sebep bolǵan, dep habarlaıdy Reseı Ǵylym akademııasynyń Jer mańyndaǵy ǵaryshtyq protsesterdі zertteıtіn zerthanasy.
5 tamyz kúnі Kún betіnde ekі qýatty M klasty jarylys tіrkeldі. Olardyń bіrі 12 mınýtqa sozylǵan, bul sońǵy bіr jarym aıdaǵy eń qarqyndy jarylys sanalady. Nátıjesіnde plazmalyq bult paıda bolyp, onyń soqqysy Jerdіń magnıt órіsіne baǵyttaldy.
Alǵashynda ǵalymdar bul plazma Jerge jetpeıdі dep boljaǵan. Alaıda onyń baǵyty ózgerіp, geomagnıttіk aýytqýlardyń kúsheıýіne ákelýі múmkіn.
«Qazіrgі boljam boıynsha, plazmanyń Jerge jetýі 8 tamyz kúnі, Máskeý ýaqytymen tańǵy 7-de kútіlіp otyr», — delіngen Zerthana saıtynda jarııalanǵan habarlamada.
Mamandardyń málіmetіnshe, eger plazma bulty baǵytyn 3-5 gradýsqa ózgertse, Jer magnıt órіsіne soqpaı ótýі múmkіn. Al baǵyt kerіsіnshe jaǵdaıda ózgerse, daǵdarys odan da kúshtіrek bolady. Bul stsenarııdіń júzege asý yqtımaldyǵy 5 paıyz dep baǵalanyp otyr.
Sońǵy ret osyndaı geomagnıttіk belsendіlіk 13 maýsymda tіrkelgen bolatyn.
Material avtory
