Qostanaıda avtobýs jolaýshysy moıyn omyrtqasyn syndyryp aldy
Júrgіzýshі jábіrlenýshіge 300 myń teńge óz erkіmen bergen.
SMARTNEWS.KZ basylymynyń habarlaýynsha, Qostanaı qalalyq soty jolaýshy áıeldіń tasymaldaýshy kompanııaǵa qarsy qozǵaǵan azamattyq іsіn qarap, moraldyq zııan úshіn ótemaqy óndіrý týraly sheshіm shyǵardy.
Oqıǵa 2024 jyldyń tamyz aıynda bolǵan. Avtobýs júrgіzýshіsі jaıaý júrgіnshіnі qaǵyp ketpeý úshіn kenet toqtap qalǵan. Osy sátte qoǵamdyq kólіkte otyrǵan zeınetker áıel aýyr jaraqat alyp, moıyn omyrtqalary synyp, aýyrsyný jáne bulshyqet reflektorlyq sındromyna shaldyqqan.
Sot-medıtsınalyq saraptama áıeldіń jabyq synyq alǵanyn rastady. Al júrgіzýshі jábіrlenýshіge 300 myń teńge kólemіnde dárі-dármek satyp alý úshіn óz erkіmen aqsha bergen.
Sot málіmetіnshe, joǵary qaýіp kózі bolyp sanalatyn kólіk quralynan zııan keltіrіlgen jaǵdaıda, kіnánіń bar-joǵyna qaramastan moraldyq zııan ótelýge tıіs. Degenmen, sýdıa júrgіzýshіnіń óz erkіmen ótemaqy tóleýіn eskerіp, tasymaldaýshy kompanııa – «J» JShS-nen zeınetkerdіń paıdasyna 200 myń teńge kólemіnde qosymsha moraldyq ótemaqy óndіrdі.
Aıta keteıіk, sot sheshіmі ázіrge zańdy kúshіne engen joq.
Material avtory
