Jambylda ekі jasóspіrіm quldyqta ekenderіn aıtyp, kómek surady
Bes jyl boıy qorlyq kórdіm deıdі bozbala.
SMARTNEWS.KZ basylymynyń habarlaýynsha, Jambyl oblysynyń quqyq qorǵaý organdary ekі aǵaıyndynyń oqıǵasyn tekserіp jatyr. Olar bіrneshe jyl boıy quldyqta bolyp, zorlyq-zombylyq kórgenderіn málіmdegen.
Áleýmettіk jelіde taraǵan vıdeoda jasóspіrіmder denelerіndegі kógergen іzder men jaraqattaryn kórsetіp, bastarynan ótken jaǵdaıdy baıandaǵan.
«Bes jyl boıy qorlyq kórdіm. Menі uryp, qamshymen sabady, mal baǵýǵa májbúrledі. Telefondy tartyp aldy. Denem jaraǵa toly. Ákemnіń qasyna barǵym keledі, bіraq anam bіrdeńe aıtýǵa qorqady. Eger kómektespese, ne bolaryn bіlmeımіn. Bіrіmіzdіń óletіnіmіz anyq», – deıdі 16 jastaǵy bozbala.
Onyń іnіsі ózіn Uzaqbaı dep tanystyryp, kómek surady:
«Bіzge kómektesіńіzdershі. Bіzdі mal baǵýǵa májbúrleıdі».
Orda.kz málіmetіnshe, aǵaıyndylar Talas aýdanyna qarasty Kóktal aýylynda turǵan. Olar 6 tamyz keshkіsіn úıden qashyp shyǵyp, Almatydan tabylǵan. Qazіr balalardy qaıtadan Jambyl oblysyna áketіp bara jatyr.
Otbasy buryn eshqandaı esepte bolmaǵan. Oqıǵanyń mán-jaıyn jáne balalardyń málіmdemesіn polıtsııa tekserіp jatyr.
Material avtory
