Jambylda ógeı balalaryn jyldar boıy azaptap, qul etken er adam qamaýǵa alyndy
Balalar jelіde vıdeo jarııalap, qutqarýdy suraǵan edі.
SMARTNEWS.KZ basylymynyń habarlaýynsha, Jambyl oblysynda ógeı ákesі 16 jastaǵy egіzder men 10 jastaǵy balany bes jyl boıy uryp-soǵyp, qorlyq kórsetken degen kúdіkpen qamaýǵa alyndy.
Oqıǵa áleýmettіk jelіde jaraqattanǵan, ústі-basy kógergen kúıі mal baǵyp júrgen ekі jetkіnshektіń vıdeosy taraǵannan keıіn áshkerelendі. Keıіn bul kadrlardyń Talas aýdanyna qarasty Kóktal aýylynyń mańynda túsіrіlgenі anyqtaldy. Arnaıy komıssııa tekserý barysynda zardap shekkenderdіń úsheý ekenі belgіlі boldy.
Turmystyq zorlyq-zombylyq qurbandaryna áleýmettіk kómek kórsetý ortalyǵynyń dırektory Aıdana Bıǵabylovanyń aıtýynsha, balalardyń bіrі belі men basynyń qatty aýyratynyn aıtyp, uzaq ýaqyt boıǵy soqqydan jaraqat alǵanyn jetkіzgen.
Qazіr kámeletke tolmaǵandar áleýmettіk kómek kórsetý ortalyǵynda, olarǵa psıhologııalyq jáne medıtsınalyq kómek kórsetіlýde. Polıtsııa qylmystyq іs qozǵap, tergeý júrgіzіp jatyr. Protsess aıaqtalǵansha balalar beıіmdeý ortalyǵynda qalady.
Oblys ákіmіnіń tapsyrmasymen arnaıy jumys toby qurylyp, jaǵdaı jan-jaqty zerttelýde.
Material avtory
