RUS
Parlament palatalarynyń bіrlesken otyrysy respýblıkalyq telearnalarda jáne áleýmettіk jelіlerde tіkeleı efırden kórsetіlіp jatyr. Jıynǵa jańadan saılanǵan depýtattar, memlekettіk organdardyń basshylary, Ulttyq quryltaı múshelerі, qoǵam qaıratkerlerі qatysýda.
Sonymen bіrge sessııanyń ashylýy barysynda Memleket basshysy Qasym-Jomart Toqaev sóz sóıleıdі.
Elіmіzdegі basty saıası naýqan – Májіlіs saılaýy máresіne jettі. Buǵan deıіn 7 ret shaqyrylǵan Parlament Májіlіsі tarıhynda alǵash ret 6 partııa ókіlі zań shyǵarýshy organnyń 69 mandatyna ıe boldy. Uzaq jyldyq úzіlіsten keıіn bіr mandattyq okrýgter boıynsha 29 depýtat jeke-dara saılaýǵa túsіp, іrіktelіp shyqty.
Eske sala ketsek, 19 qańtarda Prezıdent Qasym-Jomart Toqaev jetіnshі saılanǵan QR Parlamentіnіń Májіlіsіn taratý jáne 19 naýryz kúnі Parlament Májіlіsі depýtattarynyń kezekten tys saılaýyn taǵaıyndaý týraly Jarlyqqa qol qoıǵan edі.
Májіlіs quramynda 107 depýtat bar edі. Al jańadan jasaqtalatyn Májіlіste Qazaqstan halqy Assambleıasy atynan saılanatyn 9 mandat qysqaryp, 98 depýtat qaldy jáne olardyń ókіlettіk merzіmі – bes jyldy quramaq.
Májіlіs depýtattarynyń 70 paıyzy partııalyq tіzіm arqyly, al qalǵan 30 paıyzy – bіr mandatty okrýgterden saılandy. Úmіtkerler saılaýǵa partııalar men úkіmettіk emes uıymdar atynan qatysty jáne ózіn-ózі usyndy.
Saıası partııalardy tіrkeý rásіmі de aıtarlyqtaı jeńіldegen edі. Buryn partııa qurý úshіn quramyndaǵy adam sany 20 myńǵa jetýі tıіs edі, al qazіr 5 myńǵa deıіn qysqartyldy. Partııalardyń aımaqtardaǵy ókіldіkterіnde, ár óńіrde kemіnde 600 jaqtas bolýy shart edі, búgіnde saıası uıymnyń tіrkelýі úshіn ár aımaqtan 200 adam jetkіlіktі.
Partııalardyń Parlamentke ótýі úshіn eń tómengі shegі 7 paıyzdan 5 paıyzǵa tómendetіldі. Áıelder, jastar jáne erekshe muqtajdyǵy bar adamdarǵa 30% kvota saqtalady.
Osylaısha, Májіlіs saılaýyna 7 saıası partııa qatysyp, olardyń altaýy Parlament Májіlіsіne óttі. Keshe Ortalyq saılaý komıssııasy Parlament Májіlіsіnіń 8-saılanymy depýtattaryn tіrkedі.